周殷廷以为踢波误用顶头槌 张驰豪重拾打沙排回忆 许靖韵比赛前扭伤脚致脚趾拗柴
发布时间：23:45 2025-08-03 HKT
为响应第十五届全国运动会（「十五运会」）及全国第十二届残疾人运动会暨第九届特殊奥林匹克运动会（「残特奥会」），商业电台早前举行一场精彩的前哨战《沙滩排球 Get Set Play》，邀请多位人气歌手包括：Ada@VIVA、Elka@Lolly Talk、Val C@VIVA、周殷廷、张驰豪（Aska）、许靖韵（Angela）、黄明德（Dark）、顾定轩（Zeno），以及4位专业运动员萧昌鸿、杨秀美、林栢均及詹颖琳，音乐与体育界联手打造夏日热浪盛事！
像重回中学般热血
曾是中学排球队成员的许靖韵（Angela），今次代表881队转战沙滩排球，赛前与队友进行连串特训，她指：「喺第一次练波𠮶日，可能因为平时在室内打开排球，而且好耐都冇打沙排，𠮶晚返到屋企先发现三只脚趾拗柴，全部瘀晒变成黑色。自从中学之后就冇打过比赛，今次比赛令我谂起以前打校队同大家一齐练波嘅日子。今日天气好好，觉得好似返咗中学咁热血！」
Val C不满意自己表现
Ada及ValC@VIVA 上年参加《903 AllStar 排球赛》，超水准球技备受网民赞赏，今次分别代表881队及903队参加沙排比赛。Ada在第二局连取6分，表现亮丽：「比赛前一个半月，我哋每个礼拜就会练一至两次波。今日连续开咗6球，冇谂过自己嘅表现都非常唔错，所以好开心。喺正式沙排赛事，我最期待嘅就系大家好瞓身去救波，因为奋不顾身咁去救起粒波嘅𠮶种感觉好热血，而且场上得两个人嘅时候，对佢哋默契同配合嘅要求系非常之高。」不过代表903队的Val C就不满意自己的表现。而中学时是排球队成员的Elka@Lolly Talk，今次首次接触沙排，不过代表903队的她负责最关键性一球，可惜紧张之下发球失误输掉第三局，Elka指：「今次球赛最深刻嘅，就系最关键性嘅一球由我嚟开，当场紧张感直升一百分。之前冇打过沙排，一直感觉上都以为同排球系同一样嘢，今次发现原来沙排系困难好多。第一可能系落场嘅人数少啲，第二系喺沙上面速度原来会慢好多，第三系个波嘅重量同普通排球唔一样，所以对我嚟讲都系一种挑战。」
周殷廷盼再打沙排
同样是初次接触沙排的周殷廷，今次代表 903 队出战，虽然未能得分，但十分享受沙排比赛，他指：「第一次接触沙排嘅感觉比我想像中难好多，因为从来都冇乜点玩过，所以喺协调上面系完全仲系适应嘅状态当中。比赛最深刻嘅一幕，系我用顶头槌嘅方式去顶返个波转头，然后先发觉『咦！我唔系踢紧波』，如果有下次，我一定会再参加。」运动健将Aska中学时期已接触沙滩排球，今次与 881 队友Zeno及DJ天欣默契十足，Aska 指：「我好挂住排球，今次有机会同一班 DJ、歌手朋友们一齐打沙排系好开心。平时有做开运动，中学时代亦有打过沙排，所以都发挥得唔错。今次最深刻系睇到 4 位运动员嘅表演赛，强者对强者，好震撼，佢哋真系好犀利。」
