75岁黎彼得「征婚」后有女埋身：仲寄埋相嚟 网民忧变何伯 对夏韶声道歉认过咗火
发布时间：16:55 2025-08-03 HKT
75岁填词人黎彼得早前在YouTube节目《玖噏秘笈》评论乐坛生态时，谈及近日开红馆演唱会的夏韶声「最红𠮶阵又唔见佢开演唱会」，表示不明白夏韶声开演唱会的决定。夏韶声事后被传媒问及此事，明寸黎彼得「未够班」，两老隔空「对战」掀起热议。日前黎彼得就言论拍片回应，用「大哥」来称呼比他年轻几岁的夏韶声，并向对方道歉：「真系过咗火！」亦分享「征婚」后有桃花！
黎彼得称呼夏韶声「大哥」
黎彼得表示得知评论几句夏韶声的演唱会闹成热话都好惊讶，他否认为流量而发言，并透露拍片当日刚出院几天，因此状态不佳，而且拍片前没有fact check，直认准备不足。他说：「我真系乱嗡，唔好意思，唯有同Summer大哥讲，真系对唔住呀！竟然系叫得我做阿叔，我都真系好惭愧，虽然可能我大你几日，不过算啦……咁你就话我唔够班讲你，咁事实系，我真系唔够班，尤其是Band sound个领域，我系完全唔够班，我简直系『门外汉来看门外汉』，我简谱都唔识睇，又唔识任何乐器，咁喺Band sound入面我凭咩够班呢！」
相关阅读：黎彼得终为37岁仔还清卡数 子曾于内地升学毕唔到业返港「躺平」 为子谂后路：申请公屋啰
黎彼得自认非完全未够班
但黎彼得自踩一轮后，举一例子为自己挽回少许面子，他说：「但我衰极喺CASH大会度都攞咗个终身成就奖，咁颁奖畀我𠮶位啱啱过咗世嘅蔡澜先生，叫做对个乐坛有少少贡献啦，又不至于话完全唔够班嘅。」黎彼得表示现时已不是艺员，已经离开电视界，只是一名普通市民，他面对批评抱「无所谓」心态。
相关阅读：夏韶声寸爆黎彼得未够班 回应被指「开咩演唱会」 称对方「阿叔」：佢未够级数同资格评我
黎彼得称没有称他人「畜牧」
黎彼得表示多谢夏韶声为他讲说话，提到黎彼得的言论可能是指桑骂槐，他说：「例如话咩『阿猪阿狗都开演唱会』，咁阿猪阿狗又唔代表话人系畜牧嘅，呢个观点与角度啫！」黎彼得表示自知「串嘴」，表示早年在《欢乐今宵》已被何守信改名为「串黎」。他说：「冇办法，自己性格就系咁，把死人口又唔收，因为读得书少，表达能力差啲，有时就得罪人多，称呼人少，我都唔想。但有时啲老友就畀面我，容忍我，好多时都畀位我过，我好感激佢哋。」黎彼得最后再向各位受影响人士道歉：「原谅吓啦，几十岁算吧啦！」
相关阅读：前TVB男星斥阿猪阿狗又搞演唱会 点名4天王呻乐坛唔健康 闻夏韶声开骚：做咩演唱会啫
黎彼得回应「征婚」
早前黎彼得表示希望学李龙基找位女伴照顾自己，但他否认想「征婚」，表示：「我都应该屙尿照吓自己个样。」他自踩无车无楼而且很多病痛，不过他指发言后有女士寄相给他自荐，「真系有两位女士打电话嚟，有位仲寄埋相嚟添，变咗系佢哋征婚，就唔系我征婚，咁我都觉得与有荣焉。最近我去茶餐厅食饭，无端端同我打招呼，又笑吓咁啦，以前冇。可能佢哋睇完个节目心谂，自量吓啦！」有网民提醒他与突然示好的女士保持距离：「Peter哥，小心变何伯呀！」
相关阅读：75岁前《爱回家》男星征婚 首爆40年前因病离婚被抛弃 眼红李龙基想揾伴：性生活已经唔关我事
