郑伊健铭记陈慧琳「神圣之手」恩情 改机票义气留港担任红馆嘉宾
发布时间：15:45 2025-07-27 HKT
《陈慧琳Season 2万人结界演唱会》昨晚（26日）来到第9场，惊喜邀请到电影好拍档郑伊健做嘉宾。Kelly介绍伊健上台时透露，对方原定7月20日担任嘉宾后离港，却因台风延期，成功改机票留低。
郑伊健忆拍戏零度跳海
他们合唱《甘心替代你》后，伊健分享一段鲜为人知的拍戏往事：「拍《东京攻略》（2000年上映）ending时，我要喺零度跳海拍爆炸戏，冻到郁唔到，要等船接，点知突然见到Kelly伸出『神圣之手』！虽然拉唔到我上船，但佢特登走出嚟，呢份心意我一直记得。」感觉温暖。Kelly听完大笑：「真系全靠只手！」伊健继续爆料：「当时拍动作戏搞到肌肉撕裂， Kelly竟然送盒粉红色平安膏畀我！好感动，但真系唔多衬佢形象。」Kelly立即反击：「以前出埠最钟意带嘛！我同你合作多数喺海外，《东京攻略》喺东京、《幻影特工》喺马来西亚、《盗马记》喺布拉格，仲有30年前澳洲演唱会，所以今日专登著西芹裙欢迎！」伊健却笑佢似「Big Bird」，又爆《甘心替代你》系自己首次同人合唱，吓到Kelly瞪大眼：「真㗎？」而在Kelly换衫时，伊健就演唱《发现》，现场反应热烈。
雷颂德︰冇陈慧琳就冇我
此外，音乐总监雷颂德（Mark）特别从英国返港助阵，台上真情告白，感谢Kelly与她经理人钟珍：「你成日多谢我，搞到好似冇雷颂德就冇陈慧琳，其实冇陈慧琳就一定冇雷颂德。真系㗎！大家话，唔系陈慧琳边有人有气质唱《风花雪》，唔系陈慧琳边有人够清纯唱《谁愿放手》，唔系陈慧琳边有人咁型唱《花花宇宙》，所以好多谢你请我嚟享受我哋呢30年嘅成果！」最后联同单立文、Joey Tang送上《一切很美只因有你》，搞到眼浅嘅Kelly再次眼湿湿。完场时观众不肯离开，Kelly被观众热情感动encore：「把声开始沙，听日仲有尾场，真系得返半条人命！送首少唱嘅《You're the one》畀大家。」
