酱园弄．悬案丨叶念琛对陈可辛宁匿名拍戏感心寒 撰长文反击：有冇谂尽一切办法去生存
发布时间：13:57 2025-07-27 HKT
由陈可辛执导、章子怡、杨幂、赵丽颖与及易烊千玺等主演的电影《酱园弄·悬案》于2025年7月17日在香港上映，电影改编自1945年上海「酱园弄杀夫碎尸案」，故事背景设于二战末期、时局动荡的上海小巷「酱园弄」。章子怡饰演的主角 「詹周氏」自小命运坎坷，长大后嫁给酗酒、打妻、赌博和出轨的丈夫詹云影。长期遭受家暴及侮辱，最终章子怡将丈夫杀害并肢解成16块，被警方于现场拘捕。今次演出的演员位位都极具份量，阵容配搭话题度极高，但电影上映后，网上的评价两极，票房表现更不似如期。
叶念琛斥陈可辛访问充斥「拍完都唔知做咩」感
陈可辛日前接受谷德昭的访问，片段在「安乐影片」的YouTube频道上分开上、下集播出，导演叶念琛昨日（26日）在Threads开post，回应二人在访问中的对话，他留言谓：「呢2日喺网上睇咗谷德昭同陈可辛嘅对谈，睇完无限唏嘘，因为节目入面，陈可辛都承认新作《酱园弄》唔work，本来宣传电影忽然变咗系2个老人家缅怀过去﹑承认脱节嘅过程，成个访问充斥住一份「拍完都唔知做咩」嘅无感。」
相关阅读：梁朝伟难得撑场大赞陈可辛《酱园弄．悬案》︰期待下集 轩公祖儿结伴观影感精彩震撼
谷德昭和陈可辛在节目上除了宣传《酱园弄·悬案》外，在尾声亦谈到电影进了艰难时间，年轻人拍戏如何下去：「我作为一个乐观嘅人， 我就觉得坚持拍你想拍，因为如果你跟住观众想睇乜嘢，你系唔会拍得好， 我哋应该点样？因为我哋嘅压力仲大，因为我哋有个名喺度，因为我唔系新导演，你而家畀我做个新导演，我仲free啲，我宁愿做新导，而家我下部戏唔挂陈可辛个名，我平平哋拍，可能好过挂陈可辛个名。」陈可辛续说：「我就觉得如果真系钟意拍电影，咪坚持拍你想拍，政府又有资助，而家呢5、6年政府资助能够令到香港拍到嘅题材，系我哋以前8、90年代冇可能拍到。我哋当时系冇可能做到作者导演，但系而家系有可能。我哋全部都系类型片，但系而家可以有咁多人做到作者导演，咁咪可以去做，将你最好嘅嘢做出嚟。」
叶念琛对陈可辛宁匿名拍戏感心寒
对于陈可辛的一番话，导演叶念琛在Threads开post直言称心寒并说：「最心寒嘅位系，陈可辛居然话，如果我而家拍部戏，唔用自己个名，拍平啲，可能仲好过挂自己个名！他情愿自己系新导演，可能仲易拍到戏。即系话，佢已经觉得自己呢个名字，喺今日市场变成负累。当你要靠观众体谅，靠大家赞你『有诚意』，咁其实已经唔系电影本身吸唔吸引，而系入咗情绪勒索个level。话要大家捧场，但又明知部戏其实观众唔会钟意，咁仲要观众做咩？ 讲咁多唔系为批评，只系慨叹，当年𠮶班真系代表香港电影嘅人，大家见识过亦佩服过佢哋系靠实力赢当年嘅市场，只系而家大家一直work嘅formula而家唔work。咁系咪代表港产片冇出路？我睇又唔系咁sad，新一代导演仍然有好多几值得期待。 好似黄绮琳，冇老板支持佢，拍《填词L》就自资两球几就三球开拍，又做编剧又做导演，连歌都自己写。因为佢唔系想完成工作，而系想成就作品。最后攞到几个提名，奖都拎咗唔少。」
相关阅读：叶念琛49岁生日获富贵女星送LV！ 《美丽战场》美女群星祝贺
叶念琛轰陈可辛「有冇谂尽一切办法去生存」
叶念琛还说：「你话市场差我唔反对，但你有冇谂尽一切办法去生存？观众其实一直都喺度，只系佢哋唔再等你准备好未！佢哋系等你做畀佢睇！ 香港电影有冇得救？当然有，但唔应该单单靠匿埋喺回忆或者围炉嚟拯救，亦冇必要因为传统投资者唔见咗就觉得冇出路，最后要生存，始终都系靠人用尽方法拍落去。」叶念琛的留言引来不少回应，有人说：「有作品可以欣赏，观众一定会捧场。」亦有人说：「陈可辛、谷德昭嘅唏嘘，系因为佢哋见证过香港电影嘅辉煌，见证过一个时代嘅结束。但我相信，佢哋内心仲有火，只系需要新嘅方式去点燃。」
