韦帕台风｜张敬轩澳门户外演出水枪射歌迷 对素未谋面吴博君施援手︰我有屋企人患渐冻症
发布时间：13:45 2025-07-20 HKT
张敬轩（轩公）昨晚（19日）现身澳门，在台风下为户外Show「幻影狂野派对 Splashing Neon Night」压轴演出，他一身闪爆背心出场，一连唱出《罗宾》、《酷爱》后笑言：「人生中演唱，呢次最多人唔著衫，唔著衫都算，男子汉大丈夫，揸住枝枪揈吓揈吓！」更百厌攞水枪向游池中的观众射水，其后再唱出《My Way》、《只是太爱你 》、《樱花树下》。
张敬轩向吴博君拔刀相助
张敬轩在骚前受访，前TVB艺员吴博君早前病逝，生前他接受访问表示跟张敬轩不相熟，而获对方经济援助。张敬轩坦言之前透过「演艺人协会」去了解他的情况，得知离世消息感到很遗撼。他说：「我有屋企人患有渐冻症，好明白会去到有一个阶段就未必有药物或医疗可以帮到佢，希望佢屋企人继续勇敢生活落去。虽然我跟吴博君冇面对面倾计，见到佢访问都觉得系好豁达嘅人，相信系好有智慧，希望佢家人慢慢喺伤痛中，去揾返生活嘅步伐，我哋都会通过演艺人协会睇睇有乜可以支持。」
另外，对于早前（16日）为陈慧琳（Kelly）演唱会担任嘉宾，张敬轩称在同辈歌手演唱会上表演不会紧张，而担任郑秀文、陈慧琳的嘉宾就紧张到手震，脑海一片空白。他说：「我谂因为佢哋系前辈啰！𠮶日做Kelly嘉宾好感触，冇谂过同陪伴我长大嘅偶像同台，不可置信。」
张敬轩与Tyson Yoshi父母饮早茶
提到7月初，到意大利出席Tyson Yoshi的婚礼，笑言哮喘发作，但到达当地就痊愈，一声咳都无，张敬轩认为有可能是心情问题；又指与Serrini在婚礼上影大合照是故意扮主人家，觉得一班艺人在优美环境下聚首，十分难得，大赞Tyson同Christy招呼好。谈到Tyson Yoshi指轩公在婚礼上由头帮到尾，他笑说：「手板眼见功夫，系有时唔抵得，觉得有啲嘢可以做得好啲。Tyson同Christy好怕麻烦朋友同家人，要顾及嘢太多，唔会点出声叫人帮！咁我见到，咪话系咪可以好啲？我帮你啦！」笑指指他似嫁女，轩公坦言跟一对新人好close，人生大事好紧要，好多宾客到场，加上新娘子Chirsty筹备婚礼花上许多心机，笑言自己与主人家在香港住同区域，他说：「𠮶度叫『长者楼』，宁宁舍舍一栋，每日朝早瞓到朦朦胧胧，见到佢哋嗲哋、妈咪，饮杯茶呀！」
张敬轩订购餐枱奖励自己
Tyson在婚礼上是否变「喊包」？张敬轩称之前一日（欢迎party）喊得最多，分别跟一对新人对读誓词，提及他们的过往。他说：「就算几老友都唔会攞出嚟讲，好感性！Chirsty𠮶段好colourful，Tyson就好少见到佢铁汉柔情。最攞胆系证婚人契妈𠮶段，我同佢对咗四、五次稿都顶唔顺，见佢哋上上下下一家人好善良，婚礼气围打动人。」提到Tyson Yoshi在社交网分享，偷拍轩公正在整理文件的影片，他说：「系啦！死嘢，我仲要素颜㖞！明知我好重『偶包』啦！啲粉丝话我做乜著到好似训导主任，我𠮶日喺𠮶度帮佢哋搞紧誓词。」又指这次行程买了餐枱及櫈，虽然不是古董，订造都要四个月时间，买来当作鼓励自己，毕竟两年多未有出埠玩。
张敬轩相信老板能力
提到英皇集团陷入财困，有指近日向贷款人提交修订后债务重组方案，把银行借款到期日延长。张敬轩坦言公司内部没有不安，老板杨受成及各部门也很重视每间公司分支，又称疫情后经济大环境，相信一些公司也面对不同挑战。他说：「老板系一个未雨绸缪嘅人，每间公司好稳健去支持，所以我哋一啲都唔担心。」
