Day＠COLLAR推新歌《hold on》玩转小清新「中二病发」孖羊BB演对手戏扮朋友

更新时间：20:45 2025-07-15 HKT
发布时间：20:45 2025-07-15 HKT

女子组合COLLAR成员许轶（Day），昨日推出第二首歌曲《hold on》，曲风以小清新为主，带出天马行空「中二病」的想法。为配合清新风格，Day专诚找来半岁大羊咩咩担演对手戏，拍摄期间羊咩咩与Day一拍即合，令拍摄过程顺利，难怪Day笑言十分荣幸。

Day思维天马行空

Day指第一次听Demo时已瞬即勾起她「中二病」的想法，Day表示：「呢首歌其实有好多解读，可以话系讲一首situationship嘅歌，但自己对呢首歌解读系几『中二病』想法，例如：两个唔同时空嘅东西，永远见唔到大家；又或者，一棵细嘅树畀一棵好大嘅树遮住，永远见唔到日出；又或者红灯同绿灯，永远无法正面望住大家。」可见Day思维的天马行空。

Day与羊咩咩顺利混熟

制作单位特别为MV找来半岁大的小羊咩到场参与演出，期间Day更要与羊咩咩同框演对手戏，虽然埋位前，羊咩咩一度表现震腾腾，但经过一轮「相处」之后，Day与羊咩咩渐渐混熟，令拍摄过程顺利，Day指：「只羊喺MV度系一个重要角色，同羊合作，比想像中顺利好多，虽然佢要一段时间适应，但佢适应咗之后真系好乖，佢好得意，而且又好细只；当我哋倾咗一阵偈就friend咗，佢仲肯畀我摸，又愿意同我坐得近啲。」

犹记得之前拍摄COLLAR团歌，Day亦曾经跟鹦鹉合作，今次再同羊演对手戏，问到Day会否抗拒跟动物合作？Day即表示：「好正呀，好有趣，今次系专登将只羊运嚟拍摄现场，特别邀请佢嚟，好荣幸可以同羊合作。」

↓立即下载星岛头条App↓