洪嘉豪受大病启发创作《亲爱的》包办曲词经历低潮大觉瞓︰醒咗就有光

更新时间：16:45 2025-07-09 HKT
发布时间：16:45 2025-07-09 HKT

洪嘉豪日前推出今年第二首包办曲词的新歌《亲爱的》，歌曲有别以往中慢板曲风，是一首Pop rock的抒情歌，洪嘉豪说：「作曲部分有啲谂法，想有一首感觉好似『嘈少少』、『Rock少少』嘅抒情歌，咁歌词部分，我系幻想呢个世界上有无数唔开心嘅人，包括我自己，点样去度过唔开心𠮶一晚，然后挨过咗喇！天光喇！我系想讲，呢一个夜晚到朝头早嘅过程，我觉得呢首歌歌词部分系要冇重复，越嚟越近，就见到曙光。」

洪嘉豪︰正面嘅人都有悲观时

他续说：「歌词上，呢首歌想讲嘅内容都几多㗎，我成日都会有个问题问自己，到底系想要『及时行乐』定系要『未雨绸缪』？再加上我之前有重病啦，中咗甲流（甲型流感），𠮶次实在太严重、太辛苦，Touch wood我有咩事嘅话，我会有咩遗憾呢？原来我系冇真真正正享受过生活。」而《亲爱的》MV讲述，饰演灯箱师傅的洪嘉豪，在工作中遇上因为感情事服药而梦游的女生，他决定默默地跟随女主角于城市游走，守护着她，陪伴着她迎来天亮破晓的一刻。

问到洪嘉豪经历人生低潮时，如何度过悲观情绪？他说：「我相信每个人都会有悲观时候，几『正面』嘅人都会有！何况我都唔系一个好正面嘅人！至于点样去渡过，其实都系『挨咗佢』又或者会逼自己瞓觉『瞓咗佢』就算。情绪上嘅问题，或心理上嘅Panic，又或者好不安等等，我想借呢首歌同大家讲，我同你都系一样㗎，我都会经历呢一晚！」

↓立即下载星岛头条App↓