云浩影登「云影号」电车谷演唱会 获粉丝提早预祝周六生日 Stephy惊喜亮相传授「淡定心法」
发布时间：15:45 2025-07-02 HKT
云浩影（Cloud）将于8月2日假旺角麦花臣举行首个个人演唱会「Finding Cloud 云浩影演唱会2025」，日前Cloud乘坐印有其演唱会海报的「云影号」电车，游走港岛宣传，对于预订门票火速售罄，Cloud坦言松了一口气：「话晒系我人生第一个演唱会，好想大家一齐见证呢个特别嘅moment。预售嘅时候好快卖晒，好开心亦都松咗一口气，因为我有担心过售票嘅反应，所以好多谢大家支持。」终于见到「云影号」真身，Cloud好开心。现场数十位「迷云党」（Cloud歌迷暱称）到场支持，还大合唱生日歌和送上黑胶唱机造型的生日蛋糕，预祝Cloud本周六（5日）生日快乐，令Cloud好感动，并笑说：「我本身无黑胶唱机，呢个系我今年第一个生日蛋糕，同埋第一个唱盘。」
Cloud开心跟Stephy有一对一时间
之后「云影号」从屈地街电车厂出发，向铜锣湾方向行驶，途中Cloud在电车上层，接受903 DJ谢茜嘉访问，期间神秘嘉宾邓丽欣（Stephy）在上环登车，静静地走到Cloud身后，令她惊喜到成个人弹起，掩嘴傻笑。早前在红馆举行个唱的Stephy即将巡唱到澳门，Cloud立即问她如何面对紧张情绪？Stephy说：「其实每个人都会紧张，即使好有经验嘅前辈，都话我知佢哋都会演出前紧张，正常架！」之后她们在铜锣湾落车，并在电车前合照留念。送走Stephy后，Cloud说：「真系好惊喜，我俾佢嘅靓吓亲，好开心有位大前辈嚟为我打气。佢做过不同嘅演出，亦明白我第一次做演唱会嘅心情，对于我嚟讲有几重要同埋紧张，佢同我分享咗好多经验，我好开心有一个同Stephy一对一对话时间。原来佢都会紧张，知道之后我反而淡定咗少少。因为我印象中嘅Stephy系非常淡定、唔会紧张，知道原来佢都会紧张嘅时候，我就发现自己都系好正常。佢讲得好啱，最紧要点样将紧张同埋压力，变成动力令自己做得更好。我觉得我哋公司嘅女artist都好犀利，例如Sammi（郑秀文）、Stephy都好值得我去学习，感受到佢哋对自己嘅工作嘅喜爱同埋付出，我要继续努力！」
