VIVA出道一周年企划联同女团前辈合作 挑战As One经典舞《Candy Ball》 陈苇璇爆当年去韩国训练趣事
发布时间：20:45 2025-06-19 HKT
女团VIVA成军一周年，为了纪念这个特别时刻，除了推出抒情新歌《不够浪漫的我们》，更精心策划一个「女团联乘企划」！这个企划不单止为了庆祝周年，更重要的是想跟大家说：「女团唔容易做，但团魂永在！」
实行女团大交流
新歌《不够浪漫的我们》是VIVA首次挑战抒情风格，歌词讲述成员间嘅感情及羁绊，亦是向成员的「表白之歌」。为了呼应歌曲主题，VIVA决定邀请几位曾经是女团成员的前辈合作，包括As One、Hotcha、Super Girls及FFX，除了cover对方的代表作，更会请嘉宾cover VIVA新歌，实行来个「女团大交流」。VIVA表示：「香港女团真系唔易做，好多都未必可以行到最后，但女团嘅精神同回忆系永远，同埋希望可以透过今次企划，延续呢份女团情谊。」
忆起当年感触眼湿湿
今次企划头炮请来As One成员陈苇璇（Kira），一齐跳唱As One的经典作《Candy Ball》的killing part，影片上架未够24小时已经过万like，网民纷纷表示「回忆即刻返晒嚟」，又大呼「呢个crossover大癫」、「呢段片好惊喜！」、「好经典」，又疯狂洗版话要full version。VIVA今次跟Kira合作，除了重现当年As One嘅经典舞步，更有深情访问，Kira大爆当年同成员去韩国训练的趣事，「我哋嘅宿舍有两张好大嘅床，谂住两个两个咁瞓，但Chloe好得意㗎，佢唔可以同人有身体接触咁瞓觉，结果佢自己走咗去瞓梳化！」讲到当年喺韩国打歌嘅日子，Kira更感触到眼湿湿，「我哋每个人都有个美少女手环，上台前会聚埋一齐打气……而家讲起都起鸡皮……好开心……永远都会记得𠮶个moment……」
As One合体有难度
Kira坦言有睇过VIVA多次live，搞到VIVA成班女仔劲惊喜。Kira还感性地说：「女团一定要支持，如果冇呢段memory，可能你成段娱乐圈旅程就系自己一个系咁出歌、做嘢。有一班人真挚咁陪你做呢件事，十年后就算唔同团都会记得。」Macy立即认同：「真㗎，做团之后先感受到做团嘅好。」其他成员都纷纷和议。最后Macy代粉丝问As One会否合体，Kira笑住话：「问过其他成员啦，要佢哋出山，可能要等到我有红馆之日先得。」
