容祖儿生日派对被男粉丝表白为「前世情人」 预告出自家烧鹅月饼做善事
更新时间：17:45 2025-06-16 HKT
发布时间：17:45 2025-06-16 HKT
发布时间：17:45 2025-06-16 HKT
字体大小
今日（16日）是容祖儿正日生日，她特别推出今年首支派台歌《但你要甜》赠兴，昨日更率先与近千名来自世界各地的粉丝开Party庆祝，不但首唱新歌兼首播MV，又落台跟fans握手，玩游戏期间更有男粉丝趁机表白话系「前世情人」，令祖儿笑到见牙唔见眼。
祖儿揭新歌MV小朋友全是熟人的子女
祖儿分享新歌构思，「我发觉我啲歌迷都大个啦，见住班fans细个着住校服追星，到𠵱家带埋仔女嚟追！希望佢哋嘅小朋友都唔会太抗拒我啦，哈哈！」又表示：「身边嘅好朋友、同学每次聚会都带埋好多小朋友，我细佬又有两件啦，每次见到呢啲场面，我都好希未来新一代嘅小朋友，无论个世界有开心、唔开心、有好多挑战，佢哋应该要成为一粒糖，可以茁壮成长为我哋未来嘅栋梁，甜住成长！」更自爆MV中的小朋友全部都是朋友及细佬的仔女，「佢哋有演技㗎！等十年后睇返一定好有趣！」
生日会上，有小朋友被抽中上台玩「估歌仔」游戏，两位小朋友戴着耳筒唱祖儿的歌，被抽中的10位歌迷竟然只答中两题，十分搞笑；玩「争櫈仔」时，个个粉丝都「让座」给祖儿，获得「关爱座」的她说：「喂！你哋唔使专登让我㗎！」最后祖儿在「被让座」的情况下，勉强杀入三强就止步。此外，游戏环节「假如我是容祖儿」最爆笑，有男粉丝突然深情告白：「我晚晚发梦都见到同你同台，今日终于梦想成真！我哋可能系前世情人嚟㗎！」𠱁到祖儿笑唔停。
扬言下年去启德搞生日会
此外，祖儿又颁奖给成立18年的歌迷会各地区组长，答谢多年来的付出及支持。
在全场大合唱生日歌及切蛋糕时，祖儿感动表示：「今朝早五点起身，怀住一个好兴奋嘅心情，多谢大家抽时间同我庆祝，人大咗更珍惜同朋友相聚嘅时间。」笑言下次要去启德搞个更劲的生日会！她又预告今年中秋节会推出自家月饼，「扣除所有嘅开支之后，亦都系要嚟做善事嘅，可能会出烧鹅味，请大家多多支持，哈哈！」
