女神配对计划丨《爱回家》CP叶蒨文曾展望惊爆早已同居：唔好咁苛刻 GM八字回应真实关系
发布时间：16:00 2025-06-10 HKT
女神配对计划丨TVB恋爱综艺真人骚《女神配对计划》周日晚（8日）播出后，惹来不少回响，新一代「爱回家CP」曾展望（GM）公开向女神叶蒨文（Sophie）示爱，经过两日网上发酵后，有网民声称半年前已经见到两人在荃湾Apartment同居。
叶蒨文坦言想不到反应咁大
叶蒨文在IG留言坦言想不到反应咁大，她还说：「本身都预咗有啲回响，但系面对大家嘅疯狂留言、洗版同埋祝福，甚至有朋友同我讲睇到喊同埋瞓唔着，有少少受宠若惊。」对于被指与曾展望半年已经同居，叶蒨文说：「有证据就攞出嚟！」曾展望就以四字回应。
相关阅读：女神配对计划丨「爱回家CP」曾展望叶蒨文戏假情真认有好感 随时挞着力推做另一对陈豪陈茵媺
曾展望叶蒨文火速发展至同居阶段？
叶蒨文否认同居与屋企人同住
叶蒨文在IG留言亦提到曾观众质疑事件只不过是一场骚，但她表示确实真诚地了解男嘉宾说：「其实我哋同男嘉宾都系人嚟㗎，人都系感情动物，仲要咁多素人点样演戏呢？仲要一个二个女神疯狂插嘴讲嘢，大家因为friend你一言我一语，咁鬼多碎嘴神助工点样有剧本啊？我哋事前亦唔知道有边个人会出现，所以好多做决定嘅时候，我哋系百感交集，选择与否、揿灯与否，有时真系一念之差，希望观众都记得我哋其实真系活生生用自己来经历紧呢一切，希望大家会去欣赏当下嘅呢一份真实感，唔好对女神们咁苛刻。」她续说：「相信大家咁激烈嘅讨论系因为大家都睇得好投入，所以希望你哋继续好好享受呢个节目，但系！希望都畀啲空间女神同男嘉宾互动。」对于与曾展望同居，叶蒨文亦有说：「有证据就攞出嚟，我都努力揾紧钱，未有能力租一个Apartment住，我而家都系同屋企人住喺港岛区。我觉得大家唔使净系focus喺我同曾展望呢对，啱啱开始啫，唔好咁快叫我结婚生小朋友，想顺其自然，我都有啲压力，我都想同其他男嘉宾认识，希望大家畀啲空间我哋。」
曾展望想叶蒨文放松地作出开心选择
事有凑巧，曾展望昨晚亦有在IG出PO，他同样收到大量DM而感到受宠若惊，先要冷静下来兼专心工作，他还说：「首先真系非常多谢大家咁支持我咁锡我，直程连个仔嘅名都帮我改埋，例如，曾天行（在人生道路上航行，满展望与未来） 有心程度系夸张，我已经赢晒大家满满嘅爱好感动。承蒙大家嘅厚爱，好猛烈，坦白讲，好开心但都有少少压力，压力在于大家嘅期望。我自己参加得节目就食得咸鱼抵得渴，但对女仔嚟讲可能会有啲不知所措，好似已经帮佢笃定咗我，我想佢可以放松地作出自己开心嘅选择，希望大家可以畀啲空间我哋啦。」对于「同居传闻」，曾展望说︰「我都想系，边有咁快，啱啱先喺节目认识追求中，同埋我都唔系住荃湾区，我系同屋企人住，我未有咁嘅福份，多谢大家。」
相关阅读：女神配对计划丨周嘉全拎素描画求爱不遂 李芷晴当众决绝拒爱：冇喺呢方向谂过
李芷晴获周嘉全节目示爱：
火火爆曾展望「Chance 蛋饼」无得顶
另一方面，在昨晚播出的《奇情谷》，曾展望同样是节目焦点，当他准备汇报《奇情谷》内容时，吴若希已急不及待追问︰「系咪汇报你同叶蒨文（Sophie）嘅进展啫？」谷主火火接力加入战团，大赞曾展望在真人骚表现︰「佢真系型到呢。」还重提多年前曾展望跟叶蒨文合作的节目《不能只有我看到的便利店追女神食谱》，火火说︰ 「𠮶块『Chance 蛋饼』嘅幽默同爱心、细心同诚意，真系无得顶。」吴若希继续「唱双簧」表示查过曾展望跟歌手叶蒨文丈夫林子祥是同一日生日，足证二人缘份。处于下风的曾展望无力反击，只无奈说︰「多谢大家支持，其实所有招数都系跟『情场浪子』火哥学，追女仔嚟讲『一胆、二力、三功夫』。」火火 呼吁网民在留言区为 GM 打气。
