女神配对计划丨「爱回家CP」曾展望叶蒨文戏假情真认有好感随时挞着力推做另一对陈豪陈茵媺

更新时间：19:00 2025-06-09 HKT
发布时间：19:00 2025-06-09 HKT

女神配对计划丨TVB恋爱综艺真人骚《女神配对计划》昨晚（8日）首集播出后，惹来不少回响，最令人感到意外，一定是上位小生曾展望（GM）公开向女神叶蒨文（Sophie）示爱，两人自去年开始在《爱‧回家之开心速递》中组成「MC配（Mike and Candy）」，当时已经被网民视为新一代「爱回家CP」，今次曾展望勇于行出第一步，随时戏假情真！

叶蒨文曾展望随时戏假情真

其实自从叶蒨文宣布加盟《女神》后，当时已经有不少「MC粉」涌入叶蒨文的IG留言力推曾展望参加《女神》，不负所望的曾展望强调并非顺应民意才参加节目：「我唔想做嘅嘢冇人逼到我，其实我好少咁主动，因为我怕瘀，不过我更加唔想你畀人追咗，所以我过嚟追你，畀个机会我哋试吓。」

曾展望勇于行出第一步随时戏假情真：

曾展望对叶蒨文使出「缘份杀手锏」

在节目上，曾展望的出现令在场人士既惊又喜，曾展望先使出「缘份杀手锏」：「其实我同林子祥同一日生日嘅。」叶蒨文全程甜笑兼眼泛恋爱星光，她甜笑地说：「你讲真定讲笑架？我个心跳得好快！」林盛斌问曾展望何时开始对叶蒨文心动？他说：「其实我哋识咗好多年，第一次见佢已经觉得佢几好，不过𠮶阵我知佢拍紧拖，之后见佢参加紧呢个节目，即系单身喇，我系一个怕瘀又要面嘅人，不过𠮶刻我唔想你畀人追走，咁我咪嚟追你啰。」关嘉敏随即助攻：「佢（叶蒨文）嘅理想型都系你㖞。」叶蒨文忍不住哽咽向制作组撒娇：「你哋系咪玩我？将我嘅理想型放到咁后！」

叶蒨文觉得曾展望「Mike」相似

叶蒨文追问曾展望是否可以分清楚自己喜欢的是Sophie还是Candy？曾展望大派定心丸：「分得清呀，你嘅角色同真人几大分别，『Candy』比较小女孩，但系以我认识你，系时尚型新女性。」不过叶蒨文反而觉得曾展望与「Mike」这个角色相似：「佢都用咗好多自己落去，系转数快同有急才嘅人。」曾展望又说：「我觉得你好幽默，我钟意同啲幽默嘅女仔相处，我觉得好开心，我都系钟意睇烂gag 嘅人。」叶蒨文进一步冧笑地说：「我未见过你呢一面，好唔惯呀，我平时觉得GM有少少玩世不，嬉皮笑脸，老实讲仲有啲Playboy feel，我觉得你今日好唔同。」

曾展望自认怕羞仍进一步表白

曾展望闻言即趋前兼作进一步表白：「其实我都几怕羞，好少可咁Hang 机，但系我好想同仔你试下，畀个机会我追你，好唔好呀？」叶蒨文点头示好，曾展望即说：「多谢。」叶蒨文坦言觉得感动：「因为佢平时唔系咁，我feel到佢好紧张，跟住feel到好真诚。」李芷晴忍不住说：「我feel到佢哋活喺自己嘅世界入面，感受到真爱。」本来林盛斌表示数5声后，要叶蒨文做最后决定，不过她零犹豫下直说：「我唔需要𠮶五秒喇，由开闸𠮶吓我已经拣咗喇！」叶蒨文为曾展望戴上「心动颈链」时，二人全程不敢望对方，叶蒨文说：「我哋好耐冇见。」曾展望即说：「我哋迟啲见多啲。」

叶蒨文甩拖回复单身：

叶蒨文曾展望戏假情真成为热话

在去年播出《爱‧回家之开心速递》第2377集，剧情「只有我能伤害他」讲到「Minnie」邵初暗中关注「Mike」曾展望于网络社交平台发表的贴文，发现他与「Candy」叶蒨文关系密切，她到鲸吞天厦查看，碰巧遇到Candy，借机设法打探Candy与Mike的关系。Minnie认定Mike单恋Candy，而Candy只想「收兵」，因此骂了Candy一顿。其后，Minnie发现Candy与Mike依旧纠缠不清，遂采取进一步行动……Minnie后来撞破两人共进晚餐，忍不住向Candy大发雷霆，难得今次戏假情真，片段迅即在网上疯传，一度成为热话，有人说：「好感动，希望佢哋可以一齐」、「场面好令人感动，好温暖又甜蜜嘅感觉」、「几有夫妻相」、「真 CP」、「好衬好 Sweet」、「一直好钟意GM、叶蒨文，估唔到佢哋两个互有 Feel」、「希望系另一对陈豪和陈茵媺」；二人还同时获赞真性情：「叶蒨文几好，够爽同直接」、「叶蒨文骨子里应该系好真嘅人」、「喜欢 GM 够直接。」

叶蒨文直认与曾展望互有好感

其后叶蒨文直认与曾展望互有好感：「其实公司同事都唔系好多细眼，我都觉得佢几型几靓仔，不过因为佢少拍咗《爱回家》都少咗见面，以前都有一大班人食Lunch，前排罗雪妍生日，我哋成班人都有一齐同佢庆生。」至于没有再行前一步的原因，叶蒨文说：「因为大家系同事，佢又细我5年，本身我都唔系特别想拣番呢个圈嘅男仔，我觉得呢个圈嘅男仔比较复杂，诱惑比较多，加上我本身都系需要安全感嘅女仔，所以当时都冇谂咗多。」不过叶蒨文对曾展望赞不绝口：「佢个人几真，同埋几简单，我觉得佢唔系好复杂嘅人，所以我都想了解下佢。」

↓立即下载星岛头条App↓