BIG FOUR重金礼聘林海峰任创意大脑影海报 爆对方当年为团队改名
发布时间：16:45 2025-06-03 HKT
由张衞健（Dicky）、许志安、苏永康和梁汉文（Edmond）组成的BIG FOUR，将于8月9至11日在红馆举行「BIG FOUR HAPPY TO SEE YOU ALL演唱会2025」，四子相隔12年再合体踏红馆舞台，台前幕后阵容强劲，演唱会海报更重金礼聘鬼才林海峰（Jan）担任创意大脑，星级摄影师夏永康亲自操刀，捕捉四子最Man、最有型、最突显他们超过30年的真挚友情，化作正能量散播出去。
Jan笑15年先有第二个job
Dicky爆料「BIG FOUR」由Jan命名：「我哋第一张演唱会海报，4个人咬住一支玫瑰花𠮶张，就系由Jan帮我哋做。好开心今次我哋三顾草庐，邀请到佢出山！」Jan幽默回应：「𠮶次演唱会喺2010年，即系隔咗15年先至有第二个job，都算系咁，我都终于发市！」
今次演唱会「HAPPY TO SEE YOU ALL 」再由Jan命名，他笑言：「原本谂住佢哋咁耐无见大家，想用『BIG FOUR无穿无烂演唱会』，但中文名呢个唔系几好，不如谂个英文名，就叫『BIG FOUR BODY CHECK演唱会』，每次上台都系你哋同观众嘅一次体检。」Dicky补充：「唔（做）骚唔知身体好！」Edmond说：「BIG FOUR系我哋嘅『根』，咁耐无见，梗系要一齐搞啲正嘢畀大家啦！」
BIG FOUR望带快乐给观众
海报拍摄期间，现场播放多首有关友情的歌曲，Jan笑说：「最初拣咗《监狱风云》首歌《友谊之光》，谂住播呢啲歌帮佢哋带入情绪，后嚟发觉都唔需要，佢哋四个好快就好自然咁入咗𠮶个氛围，呢个就系大家都好想喺台上见到佢哋俾大家嘅感觉。尤其是Dicky，佢好清楚我想大家表达乜嘢，一直带住大家，始终都系最大（年纪）。」Dicky一脸认真，扮作有感而发：「长辈嘛，『牵牛上树』系有啲难度，仲要系三只牛，但系佢哋都算乖、听话！」
事隔12年，BIG FOUR不但成家立室，苏永康更荣升爸爸，问他如何凑仔又开骚？他说：「轮到佢就返我一次啦！囝囝自出生开始，成日见到呢三位叔叔，又分别睇过佢哋唱歌，但未见过我哋四个同台表演。」Edmond爆料：「佢成日逼个仔睇㗎！」Dicky表示：「BIG FIUR走埋一齐，自自然然就会带到快乐畀大家，经过咁多年月之后，希望今次除咗快乐，大家有更多得著。」Jan以醇酒形容他们的友谊和情怀。
