吴若希踼爆绯闻树假史：畀朋友累 澳门个唱引爆麦美恩绝交风波丨独家
发布时间：07:00 2025-05-26 HKT
吴若希（Jinny）于本月31日在澳门举行处女个唱前夕，突然爆出与麦美恩「绝交风波」，这不仅与演唱会主题《Gossip of Me》相呼应，「反面」新闻更变成流量秘密码。出道15年的Jinny从绯闻与是非中成长，最感慨当年的八卦新闻影响了她身边的重要人，亦疏远了一些朋友，但相信：真正的友谊会经得起考验，所以麦美恩有得留低！ 采访：方骞平 摄影：谭志光 场地：Hotel Pravo Hong Kong
吴若希7年前嫁给澳门人何兆鸿（Alex），作为「澳门新抱」的她第一次在澳门开演唱觉得有啲威威：「我老公等咗好耐㗎啦，佢多次问我『几时喺澳门开骚？』」故今次要畀面个老公，做到最好唔衰得㗎，到时有艺人朋友、同期出道歌手、家人、密友等过嚟捧场，老公扮演票务及PR角色。」
压力大到焦虑状态
原先主办单位有意在她32岁生日(23日)当晚开骚，她则希望正日生日能休息，故主办单位就她推迟了一周开骚：「谂返转头有啲畀人呃嘅感觉，就算个骚唔系正日搞，开骚前都要排舞㗎啦。」她预言演唱会有好多舞蹈：「要体力劳动，所以努力做gym，操fit到一个钢条身形，会健康性感。」演唱会监制指她身形可以做model行天桥，所以场内会搭建T型舞台和观众近距离接触：「好多谢佢咁睇得起我，不过，到时着短裙要打底。」现阶段Jinny忙到连放假、瞓觉及向老公发脾气时间都冇，压力大到处于焦虑状态。
何范畴都会有坚持
有不少是非的Jinny唔避忌，反而选择以Gossip(是非)做这次演唱会的主题：「我想畀人睇到我嘅性格及态度，多年嚟大家只喺听歌、睇剧、睇报纸、杂志、睇八卦是非新闻中认识我，大家未必好了解我，有啲人会钟意我性格，亦认同我系一个有态度，喺任何范畴都系有坚持嘅人，我觉得咁样几ok及得意呀。」10多年做过「绯闻女王」的Jinny自豪有过「威水史」：「自己数过，当年同时期我有14个杂志大封面，谂落都几威㗎(绯闻树入面有周志文、「大只仔」温家伟、黄子恒、吴业坤、沈震轩、萧正楠、庄士国际太子庄家彬表哥萧立庄、会计师郭志燊、地产富豪林棣权（十哥）、股坛狙击手王弼燮10个『男友』)哈！原来我细个时咁有魅力㗎，都几好几正啫。」
负面新闻被朋友累
时至今日她剖白绯闻树真相：「其实10个『男友』中只得两个系交往过，一个系拍过5年拖嘅圈外前度；另一个艺人系一脚踏几船嘅渣男，所以只系一齐咗半年，当中有啲系男性密友，其他嘅都系为剧集做宣传。」食咗多年「死猫」的Jinny自爆连旧老板(星梦何哲图)都睇唔过眼出声：「佢觉得我有呢啲负面新闻，系被呢班朋友拖累，所以好不满话『点解要同呢啲人做朋友？』后来我重点唱歌，大家圈子唔同咗，自然疏远一啲人，但，最唔开心绯闻影响到身边重要朋友。」回顾绯闻最旺盛日子，她声称反而有年半真空期：「𠮶时心谂『个天赐乜老公畀我就要乜呀！』后来遇就到Alex(现任老公)，所以好快一齐。」另外，她又试过被『朋友』出卖，将私人社交网的对话截图向周刊泄密，初出道思想单纯的她才发觉原来直肠直肚，坦率地对朋友讲真话，都会被利用成为伤人「利器」，令她既伤心又无奈：「所以呢十年学会保持距离，唔好对所有人都交心，当然留底嘅就系真朋友。」
