陈家乐踩过界主持《巴打围炉》 自爆媾女百发百中 火火葡萄大呼:人生胜利组!

更新时间:16:46 2025-05-25 HKT
发布时间:16:46 2025-05-25 HKT

陈家乐和连诗雅Shiga结婚两年,由两口子变成三口幸福之家,Shiga产后工作忙个不停,除了唱歌、主持还踏足舞台剧界,老婆过足戏瘾,家乐亦不让老婆独美,踩过界主持新节目《巴打围炉The Bros Club》,与火火、梁钊峰和KB拍住上。

火火羡慕家乐靓仔家庭又幸福

昨日《巴打围炉》第一集在YouTube上架,主题为「男人自尊底线!穷和性无能都不及XX?」四条中佬吹到天昏地暗,无所不谈,火火毫不留情对家乐谓:「我哋三个都比较憎你,因为你系人生胜利组,男主角、靓仔、老婆靓家庭又幸福!」被狂笠高帽的家乐表示:「我谂胜利系你哋误会咗我。」他谦虚解释:「可能系既定印象,都未真系了解我就话我胜利。」

家乐尴尬称少有媾唔到女的经验

火火指家乐靓仔有利追女仔,家乐耍手拧头谓:「普通靓仔,有好多好靓仔嘅,唔系我话想要边个(女)就可以要边个嘅!」火火追问他有否追女失败经验,家乐尴尬笑谓:「我又好少有媾唔到女嘅经验。」众人起哄,他即时解画是因为要有十足把握才会出手,火火迫问:「咁系咪百发百中?」此时家乐已经无计焗认:「好似真系少啲。」

家乐大赞老婆Shiga

家乐在节目中大赞老婆Shiga对他非常迁就,两公婆甚少闹交,倾到人生低潮期,家乐竟表示现时活在辛苦中:「可能好多人觉得我好多嘢做,我能力未必可以俾我选择做或唔做,又唔知自己嘅选择啱唔啱,譬如今年我放低咗一啲工作,但收入就减少,冇咗呢啲钱,点照顾屋企呢?」而家乐最希望演技获认同,有其他突破。