惠英红华表奖封后创历史 杨受成豪摆庆功宴 红玫瑰互赠爆笑
发布时间：22:45 2025-05-10 HKT
大满贯影后惠英红早前于第二十届中国电影华表奖获颁「优秀女演员」奖，成为香港第一人获得这个国家级殊荣，绝对是为港争光！英皇集团主席杨受成博士马上豪搞庆功宴，更出动新鲜出炉的金像影后卫诗雅（Michelle）、泳儿（Vincy）、周家怡、伍咏薇、何珮瑜（Jeana）、杨天宇（Angus）、李靖筠（Gladys）等群星拱照，场面热闹！
红姐亲自拣红玫瑰送老板
庆功期间，红姐跟杨博士展开「玫瑰花互赠大战」！红姐先向杨博士送上红玫瑰，见惯大场面的杨博士虽然被「突袭」，但仍保持尴尬而不失礼的笑容，旁边的Mani问到：「老板有冇试过收红玫瑰呀？」杨博士笑着说：「呀！冇呀」红姐接着说：「我亲自拣㗎！」氹得杨博士笑到见牙唔见眼，不过原来杨博士亦早有预备，马上回礼，回赠一扎鲜花，场面既温馨又搞笑。
勉励后辈要争气
杨博士为红姐安排惊喜庆功，红姐感触爆灯，「好感激英皇娱乐一路对我都咁好，要感激Mani，更加要感激我老板，喺咁多年里面，公司一直系喺后面一路顶住，我觉得我一定要争气，我唔可以丢英皇嘅架。」全场拍手欢呼，她续说：「公司知我身体有啲问题出现，但系我觉得呢啲都系小问题，最紧要我会表现好，同埋我要攞好成绩，令到老板唔会对我失望。跟住落嚟我都会一样，我唔会因为年纪大要做轻松啲，我觉得上天俾咗一个咁好嘅老板我，出咗咁多力喺我背后，呢个我要感恩，所以我唔会浪费每一次机会。」随后更化身热血教练勉励后辈，「今日见到公司好多后生嘅小妹妹、小弟弟，我知道你哋个个都好有实力，我都希望你哋好似我咁样，要争气，一定要争气！帮英皇公司争气！预祝你哋前途好似太阳咁样，照住我哋英皇公司，我哋英皇公司就靠你哋，感激。」
而杨博士开心到预言：「红姐今次前无古人！下次可能轮到你拎奥斯卡终身成就奖！」红姐即霸气接招：「我加油！」杨博士又自爆红姐领奖当日，公司三喜临门，「Michelle（卫诗雅）攞影后、谢霆锋演唱会四场圆满。我喺呢度再预祝红姐攞奖攞到唔停手！」
