李幸倪获大师兄谢霆锋度身订造新歌难唱程度要录足3日本尊亲自监场受宠若惊

更新时间：21:45 2025-04-29 HKT
发布时间：21:45 2025-04-29 HKT

李幸倪（Gin Lee）今年第二首新歌《白夜行》上架，这次更是「近水楼台」找来刚于启德开完show的大师兄谢霆锋出手作曲兼监制！

有得与霆锋合作就好开心

Gin笑言今次是「胆粗粗」邀歌，自爆当初只抱住「随缘啦，佢咁忙边得闲理我？」的心态，而且又想到除了音乐上，电影合作都杀，「就系想合作吓，一系写歌一系拍电影，总之有得合作就好开心，咁乜都试吓，哈哈。」谁不知霆锋真的摆上心，写了一首Gin都觉得「入行以来数一数二难唱」的歌给她，霆锋则谓：「最钟意帮人写咁变态难唱嘅歌。」

Gin为「个人Keywords」谂爆头

Gin透露霆锋写歌前做足功课，将她的旧作都听了才落笔，「佢需要了解我嘅声线、唱法、风格。听咗我好多歌，觉得我嘅实力未有真正被发挥出嚟，所以就特登写咗咁难嘅歌俾我，激发我嘅潜能，呢个系佢嘅一番好意，我亦都非常乐意去接受呢一个挑战。」随后霆锋又透过经理人问她3个「个人Keywords」：「我纠结咗好耐，最后净系交到『无拘无束』同『自由奔放』两个，第3个真系谂爆头都谂唔出！」后来霆锋见到她更搞笑投诉：「你呀！叫你俾3个，你俾2个！一定系纠结到死啦！」Gin大笑：「佢真系好了解我，可能大家都系处女座。」新歌难唱到程度令Gin录足3日，去到第3日录音，霆锋更于自己开演唱会前12日亲自监场，「佢特登抽时间同我录音，我真系受宠若惊！」

云南小镇取景竟摆乌龙

今次MV远赴云南小镇取景，Gin自嘲「摆咗个大乌龙」，「出发前睇咗天气报告以为好冻，带晒啲冬天衫同羽绒，点知去到先发现原来当地30几度！因为我哋睇咗个地区系一个大啲嘅范围，但我哋𠮶个地方系一个小镇，原来争两个钟嘅车程个天气已经非常之唔同。最后羽绒冇用，要靠退热贴同风扇续命！」虽然拍到天光兼「灵魂出窍」，但Gin见到成品都即时「WOW」一声：「内地团队超专业，早几日就去现场Rehearsal，每个镜头都十分精准，靓到癫！」

↓立即下载星岛头条App↓