黄淑蔓云浩影开live鼓励DSE考生 私心投冯允谦为公司最靓仔歌手
更新时间：15:45 2025-04-20 HKT
发布时间：15:45 2025-04-20 HKT
发布时间：15:45 2025-04-20 HKT
字体大小
黄淑蔓（Feanna）每个星期都会邀请不同歌手朋友，为DSE考生们开Live唱歌和倾偈，本周邀请「仙气女神」云浩影（Cloud）担任嘉宾。
切忌临急抱佛脚
Cloud分享温书心得：「我唔赞成考试前夕通宵读书，我考DSE𠮶阵晚上九点瞓，半夜三点起身，养足精神去温习，更容易入脑。」Feanna说：「我都唔赞成通宵读书，因为我试过读到五点，仲有两小时就要去试场，所以唔敢瞓，怕瞓过头，结果通宵无瞓好无精神。所以适当嘅温书计划系好重要，唔好临急抱佛脚。」
难忘老师打气金句
她们最难忘考试期间老师的打气金句，Feanna说：「老师话：不要再吃苦的年纪选择安逸！我觉得好有意思，我哋而家就系可以吃苦嘅年纪，即系『少壮不努力，老大徒伤悲』！」Cloud说：「我最记得老师同我讲，凡事尽力而为，就算唔成功都唔会世界末日！而我自己就想同各位考生讲：『活在当下』，如果呢一刻温书好攰就去休息吓，唔好谂返转头，亦都唔好担心未来，做好而家呢一刻就得啦！」她透露会一边吃喜欢的零食和饮珍珠奶茶，一边温习。
自荐表演吞剑心口碎大石
有留言建议寰亚音乐歌手一同举行演唱会，她们拍手叫好。Cloud笑说：「好提议，我哋公司人才济济，大家十八般武艺，一定好精彩。（你表演甚么？）我表演吞剑。」在旁的Feanna笑说：「我表演心口碎大石！」Cloud说：「我哋公司每位歌手唔只唱歌好听，仲会有好多惊喜，如果寰亚Family真系办演唱会，大家一定睇得好开心。」又有留言问公司哪位男歌手最靓仔？她们异口同声「冯允谦」，Feanna说：「因为我哋喺公司系同一team，我私心投Jay！」Cloud笑说：「Jay系我哋公司『最上镜先生』，因为佢个头最细，我个头都唔算大，但系同佢一齐做嘢都真系几难做！」
