颜米羔认衰仔 首揭走数真正原因 为困境揾商机出招狂冧「米饭班主」丨独家
发布时间：07:00 2025-03-27 HKT
早前《中年好声音2》季军颜米羔（米仔）在44岁正日生日遭朋友追债「赠兴」，债主公开对话截图，揭示了风光生活的米仔：「生活精彩但未有落袋」。其实米仔在事件曝光前已积极打拼，争取每个赚钱还债机会。之前他以嘉宾身份参加由「光头仔」王嘉明带领的2日1夜新会旅行团，期间狂出招冧爆「米饭班主」，加插玩「猜猜我是谁」游戏时，被姨姨米粉(粉丝暱称)贴晒身黐到实，也笑住受落。另外，米仔向《头条日报》首揭走数真正原因。 采访：方骞平
麦嘉「光头仔」王嘉明之前做团长，带50位Fans团友到新会玩2日1夜，除了颜米羔做嘉宾外，王嘉明妈妈及儿子、米妈也有同行。有米仔助阵带出搞笑气氛，两人合拍地大唱「破地狱吹啲打」版生日歌为寿星Fans打气；又为Fans特设晚间睡衣派对，散团前还搞了个交流会和Fans互动。派对上临时加设玩「猜猜我是谁」游戏，平日Cool爆的米仔换上可爱兔睡衣，用兔耳遮住双眼摸头来猜猜Fans名字，落力冧爆一班「米饭班主」，一班米粉围到实抢住玩，师奶兵团笑到见牙唔见眼，还挨住及跷实米仔合照，劲开心。
王嘉明会做返歌手
米仔失落时有米粉撑，形容好开心有屋企人的感觉：「大家互相支持，我好贴地嘅，我唔系神只系人，都会食饭去厕所...」43岁「中2生」王嘉明处男搞旅行团，感激有兄弟互撑，不过，下个目标他会做返歌手，𠵱家努力操肌，他坦言：「唱歌呢门生意确实唔系赚到钱，我只系想做啲嘢，畀人知道王嘉明未死，会做啲与时并进嘅音乐啫。」米仔同意说法，还不忘叮嘱嘉明，揾他拍MV时记紧封利是！米仔承诺更会发力揾钱：「今年会做多啲嘢，除咗唱歌、执导电影，更会加埋摄影，去年底搞过收费摄影活动《你是我的眼》，用1小时帮米粉影下相，倾下偈，用相片写出对米粉嘅体验，但都有畀人弹系『割韭菜』，我唔理得咁多啦，感恩仲可以唱到歌及做到擅长嘅嘢，其实呢啲系个专业。」他强调做人要嘻嘻哈哈：「唔使咁复杂，我唔钟意计算嘅，所以都好怕畀人计算…」
不是外面说的风光
另外，欠债事件曝光后，颜米羔随即向追数人偿还2万元，另加5千元利息，并在社交平台贴图大呻：「我都唔系你睇咁风光，一直在努力中。」当被问到可有其他债仔时？米仔冇正面回应，避开话题说：「我都讲过，比赛咗大半年时间好难兼顾工作，真系『你睇人好；人睇你好』，而且大家都明白自由工作者嘅苦况。」他自爆自己同样做过债主及债仔两个角色：「今次我冇企喺追债主角度感受件事，系我唔啱嚟嘅。」
承诺会戒除坏习惯
他还首揭「走数」真正原因：「我唔系赖帐，经常Keep住有几百个message冇睇，任由佢哋沉咗落底，有时清咗一半又放弃，如果清得晒，我谂就唔会Miss任何嘢，但呢啲点都系解释唔到嘅。」经此一役，提醒自己要戒掉忽略讯息的坏习惯，并认真说：「经一事长一智，唯有努力向前啰。」他感慨人生会不断出现困难，都系要不停解决问题，要做好自己，勇敢面对，积极面对去生活。」最后，米仔多谢《星岛头条》最正面的报道，还再次要向苦主致歉：「再讲多次对唔住啰，搞到佢咁唔开心系我嘅疏忽，系我唔好...其实我系苦主嘅师傅，有教过佢嘢，就算身为师傅都会有出错，今次体验到喺每个人身上都有嘢值得学习，呢个世界上冇圣人，要活到老学到老。」
