邹凯光搞Talk Show持逆向思维讲男女关系：唔做正印就冇「小3」丨独家
发布时间：07:00 2025-03-12 HKT
搞Talk Show讲男女关系 邹凯光持逆向思维：唔做正印就冇「小3」(大题) 事隔12年邹凯光（滩叔）再次挑战独脚戏，举办个人Talk Show《男性的弱点》（WEAKipedia of Men）， 他形容今次是一个港女会开窍，港男会尖叫的Talk Show，由男性角度出发，贯彻尖锐嘴贱风格论尽现今种种男女关系，并会以56岁的男人角度睇男人，坦言男人有好多缺点，只不过女人包容度大。采访：方骞平
邹凯光将在本月22至23日，一连2日于旺角麦花臣场馆举办个人Talk Show，入行36年的滩叔由灯光助理、编剧至导演，从幕后再走到幕前，更做过电台节目主持，近年伙拍余迪伟及阿Bu主持YouTube频道《三叔公园》直播节目，擅长为两性关系及热门议题分享独特见解，坦承自己是口贱，不过说话有point。
滩叔直认男人有好多缺点：「唔细心，对另一半唔好；冇耐性，心散易钟意第2个，就算未必系花心都会搞坏两者关系；集中又力低。」追问男人系咪有钱就身痕？他却更正说：「其实有冇钱都会身痕，冇钱仲会痕多啲，因为多嘢会恨...」因此，他认为男人有「小三」是正常嘢，当一个男人有咁上下有能力，身边女人就会要胁留住个男人，所以逆向思维不好做正印，做咗正印就冇机会做「小3」。向来都有不少女性朋友向他倾诉感情问题：「我会畀啲另类贴士，一般女人见老公有『小3』会去踢窦，我反而觉得点解唔可以共存？何不同老公讲『咁好好照顾自己啦！』，男人听到可能会仲惊，反而觉得handle唔到，男人系唔会钟意光明正大『偷食』嘅，所以要先要解决核心问题。」
经济差只能吊命
Talk Show中还会提到面对逆境有咩想法，邹凯光曾经收入不稳定需要赊借度日，时至今日还算可以生存到，不过讲返辛酸史都带点唏嘘，坦言：「我成世人冇做过稳定嘅工作，以前做电影『三更穷五更富』，疫情下就更难过，我唔系要有好多钱，因为只系负担自己，而系揾唔到收入，要问人借钱顶住生活，其实大家都明白，开口问人借真系唔容易，有时见朋友急需要钱应急，唯有将借到嘅借一半畀佢。每次我借完钱会同自己讲『希望今次系最后一次』但世事边有得估呀，好彩开咗网台有好多人支持，𠵱家揾到钱，有收入已经好好啦，𠵱家经济差，只能吊住条命。」他有感而发说：「一个男人去到某个年纪，唔会再追求梦想，只求系生存，唔好再发绮梦，谂下用乜方法好好咁生存，喺死之前觉得呢世人唔差，冇乜遗憾就得喇。」
