朱栢谦超爱大癫《祓魔》：拍到系骄傲 跟戚家基导演同样中二病一拍即合丨独家
发布时间：08:00 2025-02-28 HKT
朱栢谦在ViuTV话题剧《弊家伙！我要去祓魔》，跟身兼编、导、监的戚家基（Peter）首度合作，饰演大反派「万无极」，Peter认为角色非朱谦莫属。而朱谦直言因跟 Peter同样中二病而一拍即合，很欣赏这套大癫之作，单听故事已𦧲饭应话「死都要拍」，完成后更认为自己能参与感到很骄傲。采访：杜杜
Peter坦承选朱谦演「万无极」，因他有齐角色特质，「呢个角色需要个气场，首先系个领袖，其次讲嘢要有威严，再者讲嘢会有人真心相信，呢个真系最难，要揾个有威严嘅领袖好多人都得，而佢就咁同你讲嘢把声就有呢个力量，呢样嘢佢喺舞台上系无敌。」最搞笑Peter首次见朱谦时，为表诚意角色不作他人选竟然话：「呢个角色系要揾你演，唔可以揾你细佬（朱栢康）做，哈哈！」
CG做足1年半竟冇超支
Peter坦言也担心朱谦除档期外，也有可能不接，「我哋个剧傻，系中二病，好多人见到会惊，揾佢时好惊佢会唔会藐？！」但两人倾谈后，朱谦已二话不说答应，「点知我都系中二病，我哋志趣相投，好彩揾咗我，我系𦧲饭应，呢个角色真系好正、好劲！我唔记得当时档期点，但我同佢讲我死都要做，同埋佢动漫嘅文化涉猎系又濶又深，佢拍呢个剧蒸馏出嚟嘅嘢，畀观众睇到系会好精彩。」拍完后朱谦更加爱这套作品，「拍《教束》系我最快乐、最难忘嘅时光，好钟意呢个作品，其他拍过嘅作品唔系唔好，但系我会讲《祓魔》系劲、大癫！点可以拍到，净系睇啲角色造型都黐线㗎，拍到呢套戏系骄傲！」
由于该剧台前幕后都好有火，拍得超投入，朱谦形容「Peter Tsi」才是最大的邪教，「我哋都入咗呢个教，Peter真系劲，应该开多啲戏。」而该剧做了1年半后期，制作费一样没有超支，Peter认为全靠有班好战友，「惭愧地CG第1轮做出嚟唔系好满意，要再做多轮，但制作费都系ViuTV做开60万1集个价，所以话真系有班好人，我想同其他制作人、投资者讲，唔好以为出呢个钱真系有呢个制作，全部系好多人嘅热情同埋爱，有心先可以做到。」
