强尼冀观众不要对CG要求太高 岑乐怡王颂茵过瘾拍超现实题材丨独家
发布时间：07:00 2025-02-19 HKT
强尼（许博文）、岑乐怡（阿妹）和王颂茵（Kathy仔）认识多年的好朋友，最近终于在ViuTV新剧《弊家伙！我要去祓魔》合作，首次演超现实题材，他们都话有一定难度，但亦特别过瘾。强尼认为是可一不可再的演出，冀观众不要对CG技术要求太高，但相信爱烧脑题材观众会支持。采访：杜杜 服装:Marimekko
3人早在2020年拍完ViuTV新剧《暖男爸爸》后，已得知会开此剧，因是同一监制戚家基，但因疫情等种种原因，直到2023年才开拍，这是强尼首次担正，得知时当然兴奋，「𠮶时个反应，哗！真系㗎！」他们又形容这是可一不可再的组合，强尼续说：「我哋呢个组合难得之外，呢种题材可能一生人得一次机会拍，所以只此一次都此生冇憾。」
啱爱烧脑剧观众睇
阿妹坦承最初得悉拍这个题材时，一度好担心，「我直头惊，电视剧有咁多CG真系唔够钱做㗎㖞，惊会好肉酸，但当睇剧本就好放心，因为监制太厉害，每个角色都有佢嘅故事，演员好易攞到神髓入局。」本身是动漫迷的Kathy仔能够参与剧集就特别兴奋，「听到呢个世界观时觉得好正好玩，好想参与呢件事，本身好钟意睇动漫，讲到灵异嘢我拍过《晚吹—总有一瓣喺左近》，试过去灵探，将2样嘢放埋一齐，我有种莫明嘅兴奋，好容易理解。」
本身冇睇开动漫的强尼，睇到完整剧本时却好头痛，「呢个世界喺现实系唔存在，剧本我睇完2、3次，都要画个人物关系图出嚟先得，因为入面啲名好难记，好似『玄门正宗辟邪队组长御前铁马』，𠮶时未知系柯炜林演，真系唔知点记好。」虽然故事复杂，但强尼认为好啱现在爱烧脑的观众，「大家想睇啲好抽离嘅嘢，今次幕后同事好努力去构建呢个世界出嚟，预计啲观众一定话啲CG咁㗎？！唔好攞去同英雄片比，喺本地电视剧资源里面真系交足功课，我哋𠵱家啲观众系高阶，好多嘢钟意自己拆，相信呢套剧讨论好高，空间好大，啱唔同年龄观众睇。」
