张运儿不怕单身过情人节 自制甜品庆祝一样好快乐丨独家
发布时间：08:00 2025-02-11 HKT
张运儿（Yoona）最近推出创作新歌《无人陪我也很快乐》，吐露独处也可以过得很精彩心情，就算单身过情人节亦不觉孤单，更可自制甜品庆祝，她还示范Tiramisu杯送给读者和粉丝，不过将来也希望找到个为她下厨的另一半。采访：杜杜 形象:Peli Lam@pelilam 发型:Aki Choi@akichoi@The Attic Hong Kong@theattichongkong化妆:Man Man@manmanflm服装:@athenaeum_m
本身是K-pop迷的Yoona，一直恨有配合舞蹈的作品，《无人陪》令她如愿以偿，「感觉好唔同，以前cover K-pop嘅歌系唔使唱，𠵱家要顾埋唱， 而且作为艺人唔系动作好睇就得，仲要做好表情管理，系难㗎！但好开心𠵱家有自己作品同属于自己嘅舞蹈。」
一个人玩录歌解闷
歌曲主题来自Yoona和老板兼制作人杨镇邦，同样是「Ｉ」人的感受，「我哋成日觉得过时过节点解一定要一班人呢？！自己一个都可以好开心，唔一定要有人陪先得，独处都可以自得其乐。」一个人过节，兴趣多多的她也不愁寂寞，「试过有次生日，咁啱打8号风球，冇得食生日蛋糕，仲要留喺屋企过，都冇乜嘢㖞！冇得出去玩咪睇吓戏、睇吓书、打吓机一样好开心，同埋我好钟意玩录歌，试过用啲唱歌Apps录钟意嘅歌，一录就3、4个钟。」
就连情人节，Yoona一样不用有任何仪式感，「如果有另一半，可能出去食餐饭庆祝，但𠵱家情人节一定要庆祝，都系为咗刺激消费啫！我唔受呢套，平时对我好，日日开心过就OK，如果净系𠮶日对我好，好似好作状！」她就算冇人送，亲自整情人节甜品一样好开心，仲即场示范整Tiramisu杯，「我本身最钟意抺茶口味，有人会觉得Tiramisu好腻，抺茶有啲苦涩就会冇咁腻，而且呢款比较简单唔使焗，有雪柜就得，初学者都OK。」不过她坦承希望揾到个为她下厨的男仔，「当然会加分，会觉得好贴心，好似睇《黑白大厨》咁，认真做事嘅男人最吸引。」
