何雁诗郑俊弘有信心囝囝半年内行到 美国之行收获丰 展望蛇年发展更好丨独家
发布时间：07:00 2025-02-01 HKT
何雁诗（Step）和郑俊弘（Fred）去年发现2岁多囝囝郑赞廷（Asher）患有罕见遗传病「天使综合症」，一度令两夫妻在龙年感到失落，但随着他们积极面对，加上去年底到美国出席有关讲座，囝囝又在当地接受治疗后进步神速，现在囝囝日日练习下有望蛇年能成功步行，而两人又会积极工作和行善，相信蛇年会是美满的1年。采访：杜杜 摄影：孔子 发型及化妆:Joanne Chan 场地:Studio Meta
Fred坦承最初因囝囝的病，龙年曾一度感到难过，但后期已好转，「上年得知阿仔个病系好唔开心，之后我哋扚起心肝去筹款做其他嘢，畀人知道咩系天使综合症，自己工作上，拍剧又去咗美国开演唱会，做咗个音乐剧，其实都几忙，好充实。」 Step认为因囝囝的病，反令他们变得更加积极，「比起以前咁多年嚟讲，系push自己做多咗好多嘢，龙年令我哋发掘咗自己，我做多咗体育主持工作，又搞慈善活动，我哋从来冇谂过可以做到咁多，认识咁多世界各地关于罕见病嘅人，发掘好多自己潜能。」Fred好认同，「为咗小朋友我哋乜都肯做，以前冇谂过可以举办演唱会，原来杀到埋身都可以做到，甚至去联络外国嘅团体帮助，我哋系成长咗好多。」
囝囝治疗后进展佳
去年底到两人到美国出席当地有关罕见病症的讲座，收获相当丰富，Step说：「参加医学讲座，科学家、医生同埋药厂畀咗好大信心我哋，知道呢个病系好有进展。」令她对未来充满信心，「𠵱家喺我哋字典里，系唔会再有冇可能呢样嘢，呢个系外国啲家长教我哋，佢哋话好多人会同我哋讲『No』，但系我哋要问『No but why』。」Fred补充说：「要问点解？唔可以接受只系『No』呢个答案。」囝囝在当地亦接受了3星期密集式治疗，Fred说：「虽然过程系辛苦，每日要5个钟，做物理治疗教佢点行点企，好似玩阻碍赛咁。」Step说：「有跑步机畀佢慢行，老师教佢点踏步，我哋都买咗个跑步机喺屋企畀佢，等佢慢慢行，仲有个踏单车机，等佢知道只脚可以咁样郁。」
望帮亚洲其他病童
他们最好开心，囝囝经过这些治疗后，有明显进展，身体协调做得更好，Fred兴奋说：「佢扶住可以企到起身，同埋识得爬，所以要睇住佢，唔可以就咁摆咗佢喺度自己做嘢。」 Step感动说：「除咗平地，佢仲识抬起只脚去爬，呢啲可能对正常人嚟讲好小事，但对佢嚟讲系好大进步。」由于囝囝平日在家也会不断练习，所以踏入蛇年，他们对囝囝病情进展好有信心，Fred说：「我信心系大咗，佢呢年可以踏到步。」Step信心更大，「我觉得唔使，半年都得，希望佢可以自己行到几步。」另外他们亦会帮囝囝寻求药物治疗，Step续说：「好想畀囝囝入到药物科研，希望佢可以快啲有药用，佢呢个岁数系黄金阶段，个脑发展系最快，希望有药物帮助佢医治到。（唔介意畀佢去试新药？）睇吓咩药先，但至少都有机会畀我哋判断适唔适合佢。」而他们在美国期间认识了很多家庭、支援机构和药厂，希望未来作为桥梁，帮到亚洲区其他小朋友，「佢哋都好想踏入香港，希望我哋做多啲联络，都希望用我哋能力帮到手。」
加国合体搞慈善骚
工作方面，两夫妻在蛇年一样有不少新计划，重拾高尔夫球运动员身份的Step，将会努力参加比赛，「当然我想赢，但至少参加返先，同埋今年都想出3首歌，呢个都系目标，另外我做紧个YouTube Channel《体育部队窝》，访问啲运动员，都系我醉心做嘅嘢，好钟意运动世界，好欣赏运动员嘅心态。」Fred继《烂好人》后，已筹备紧新歌，「都系同王双骏合作，好期待再同佢录音，今年暂时出住1首歌先，开骚都系3月慈善骚先。」Step解释这个在温哥华和多伦多举行的慈善骚她亦有份，「希望出1分力，为加拿大嘅天使综合症总会宣传多啲，同帮佢哋筹款。」而Fred最开心音乐剧《为你钟情》今年会重演，「上次反应好好，今次可能会转啲歌，好享受做，有得唱歌跳舞又演戏。」
