陈静罕谈神秘情史：边个想会有第三者 被叶念琛指系「小三」防盗器丨独家
发布时间：07:00 2025-01-28 HKT
由叶念琛执导的贺岁片《麻雀女王追男仔》中，陈家乐与港、台女神33E陈静(DaDa)及32E林襄发展出搞笑嘅三角关系，现实中，索爆的DaDa自爆好lucky，拍拖以来从冇出现过第三者，坦言：「边个想会有第三者？」叶导抵死地形容索爆DaDa本身已经是「进击小三」的「防盗」！但当DaDa被问到感情状况时，她坚持将私生活「留白」不愿分享，令35岁「性感女神」添上神秘感。 采访：方骞平 摄影：林宾尼 化妆：Bubuumakeup 发型：Jack Hung@JPAW Salon (K11 MUSEA) 服装：Alice + Olivia 场地：K11 Art House
由王晶及叶念琛领军的于贺岁片《麻雀女王追男仔》于今日大除夕上映，片中DaDa饰演片场亲密戏指导员，是戏剧发烧友，却遇上看不上的4届躁狂影帝陈家乐，撞出了喜剧火花，再加埋新晋演员林襄的错摸，感情事更错综复杂。DaDa好欣赏陈家乐投入度：「佢拍到声嘶力竭，好尊重自身演员呢个职业，同佢合作好放心。」
拍戏冇不快经历
叶念琛认识DaDa多年后首次合作：「想拍到与别不同嘅DaDa，觉得佢仲有好多可能性，尤其可以做多啲喜剧。片中佢表现都几有惊喜，拍到从来未见过咁可爱嘅DaDa。」DaDa大赞叶导好照顾演员：「佢知道演员心态，每人都想有得发挥，同埋接受新嘅挑战，唔想重复演同一个角色。」叶念琛又话外国电影为免男女主角拍亲热戏尴尬，会由亲密指导员商讨相关尺度，从而保护女性在健康环境下拍摄。DaDa庆幸以往拍亲热戏时冇试过不快经历：「咁同导演会有沟通嘅，如果唔想做嘅嘢冇人会迫到你，当然有呢个岗位就更加好，唔止女，就算男演员都好需要，咁样能减少误会。」
运气好逢赌必赢
片中不乏打麻雀及玩德州扑克场口，叶导又爆DaDa赌术精湛，精通玩Poker：「见佢喺赌枱度唔出声观察，完全知道派咩牌，佢玩得叻。」曾在节目中玩过Poker的DaDa直认有研究：「我觉得Poker同做戏有关，可以捉到心理，好好玩。」她更自爆运气太好逢赌必赢：「新年会同屋企人打下麻雀仔，但冇人会再同我打，因为我逢赌必赢，尤其Poker冇乜输过，朋友一定争住夹要我做庄，我唔算好赌唔想玩太耐，但赢咗又唔畀我走…」
坚拒谈感情生活
提到片中嘅三角感情关系，DaDa被追问到现实生活中有冇遇过「进击小三」时？叶导即代抢答：「有咗DaDa，就唔会有『小三』过嚟抢，因为佢本身已经系『防盗』啦。」DaDa则避谈道：「咁要有咗感情先知㖞，不过，我系好幸运嘅人，以前未遇过有『第三者』，当然大前题系相处过，会清楚知道要拣个咩人做对象啦，我一定会拣过三观好嘅男仔，边个想会有『第三者』㗎？」语毕，DaDa大笑反问：「点解话题会扯到呢度嘅？」她反而想讲，好想拍些纯纯的爱嘅题材，今次算是完整的爱情故事。续问相隔几耐冇拍拖？她却有所保留：「感情嘅嘢希望有好嘅嚟，我保持神秘喇，就算有冇我都唔会分享，对我嚟讲呢样嘢好私人。」她强调，现阶段是清心寡欲，健康养生为主，亦冇刻意「封胸」，最重要角色啱就wellcome，有好嘅剧本及角色就够：「拍贺岁片开开心心热热闹闹最好，做人都系要开开心心。」
