杨卓娜失最佳女配角 老公冧爆送礼物：你是我的女主角
更新时间：20:15 2025-01-23 HKT
发布时间：20:15 2025-01-23 HKT
发布时间：20:15 2025-01-23 HKT
字体大小
杨卓娜日前在万千星辉颁奖典礼凭台庆剧《黑色月光》入围「最佳女配角」，当晚她以超低胸长裙性感上阵，赢尽网民掌声，可惜大热倒灶，就连杨茜尧亦表示对家姐未能获女配角奖项感到可惜。虽然杨卓娜失落女配，不过她就获老公出冧招呵返。
杨卓娜老公举动窝心甜蜜
杨卓娜透露老公在台庆礼当晚准备了一只名牌熊公仔匙扣，以及一张手写心意卡，卡上写上「老婆：你是我的女主角 老公」，举动相当窝心甜蜜；杨卓娜写道：「今朝（1.20）凌晨五点瞓落床，但系比杨生叫醒，佢问我点解睇唔到？我蒙住眼问睇到啲乜嘢，原来佢喺我床边放住呢一啲嘢！礼物靓唔靓唔紧要，贵唔贵重都唔紧要，最紧要系𠮶一份心意，多谢杨生！几年前，当我都入咗最佳女配角最后5强，凌晨返到屋企，都同样收到一张卡，一份礼物，女儿嘅短讯，内心好满足！我们都不是最好的，但是我们拥有彼此，却比拥有什么都更好。」
