谭辉智分享好男人定力秘诀：戒乱想 素人速变「吸金王」8个月赚过百万 丨独家
发布时间：07:00 2024-11-12 HKT
今年3月凭《中年好声音2》而爆红，40岁的谭辉智（FC）挟住人气，出道仅2个月已跑出举行处男演唱会，成为最快开到个唱嘅「中音生」；加埋30多个广告、商演及为一间旅行社出任旅游大使，入行不够半年已速赚过百万，登上「中音生」的「最快吸金王」宝座！FC现在有名有利，但，他强调唔会色心起，他只会对老婆一条心，还揭示有定力的秘诀。 采访：方骞平 摄影：罗安强 场地：THE MARKET@ Hotel ICON
最近谭辉智推出处男歌《多么感激》，歌词揭对爱妻及歌迷的心声，多谢太太的陪伴，而他选择于个唱中首唱新歌时，老婆被感动得爆喊：「谂返起喺比赛期间，将经营嘅美容院交晒畀老婆运作，佢会埋怨我为咗唱歌唔理公司，自己压力又大到冇得宣泄，有时会讲错1、2句说话，两公婆就会多咗拗撬，好彩冇隔夜仇。」太太及拉姑都好钟意这首歌，拉姑更指行啱了路线：「佢话『第一首出嘅歌，喺大时大节、乜场合都啱唱会最着数。』」
家庭事业需要有平衡
FC由素人华丽转为「人气王」，工作及收入源源不绝，被指是「中音生」的「最快吸金王」，他既不承认也不否认，用神秘笑住回应：「你帮我计数㗎？我冇计过，唔知道㖞！要check下先……不过啲钱会交畀老婆管理，因为我乱使钱，老婆反而会做储蓄。」FC强调不是放眼赚快钱，反而会着眼做些有意义、对自己有帮助的job，比如做慈善及公益，甚至令自己有进步的好歌，当然都要平衡家庭：「幸而老婆仔女未有诈型。」
直认自己性格有缺陷
提到FC是好老公及好爸爸，跟「中2软饭偷食王」郑梓浩相映成趣，虽然现在FC有名有利，但保证唔会出轨：「老婆不知几放心，佢知我冇呢啲嘢。首先我班fans好斯文，连合照时行近啲都会问下我，其次自己好慢热，好少同陌生人有交流，做完嘢就走。最重要系好enjoy个家庭，我一直觉得自己性格系有缺陷，好有问题，就算去到20几岁都唔够成熟同埋冇承担，个人又闷兼冇乜自信，一啲吸引力都冇，唔相信会有女仔肯付托终身，边有人肯同我结婚生仔呀？所以较迟婚，34岁先成家立室，故更加珍惜家庭，尤其太太好正面，乜都肯试，成日喺身边鼓励我，畀到我最需要嘅嘢，我哋系最佳组合。」FC还揭示做男人有定力秘诀：「其实只要自己唔谂，对眼自然唔会周围乱咁望，就唔会造就到出事机会，即使单独同异性交谈都会正正经经，唔会畀到对方有错觉。」FC坦言有睇过关于郑梓浩的报道：「我又未有资格教人做个好男人，因为每个人生活模式都唔同，只要唔影响到人，enjoy就得啦。 」
拉姑忍唔住出手买衫
FC变身新一代「师奶杀手」，连谢霆锋妈妈狄波拉都被迷倒，FC感激说：「佢真系好锡我，我成日问佢点解咁钟意我？哈！其实连佢都答唔到，只系话『就系因为你，咁嘅性格及样都够胆出嚟唱歌，好搞笑。』」他更自爆拉姑经常致电认真地给意见：「佢好似妈妈咁，打嚟只系讲两句，比如『唔好寒背、唱歌冇乜感觉、注意坐姿、服装唔好，着到个人好矮好怪……』次次都是笃中要害，又真是我的缺点，最近拉姑顶我唔顺忍唔住出手买衫畀我，每次约会都有一袋名牌衫。我无以为报，好尴尬呀！唯有回敬返啲小礼物（赞助返佢做美容？）佢唔做㗎。」
