唐安麒获网民力赞「沙胆唔怕死」

更新时间：03:00 2026-08-21 HKT
发布时间：03:00 2026-08-21 HKT

　　近日多名苦主疑堕美妆店推销骗局，被高压推销购买数万元产品，掀全城热话。香港美容界龙头「瘦身教主」Dr. Angel唐安麒，近年以「审美官」身份活跃社交平台分享正能量、护肤及瘦身等身心健康资讯，早前亦曾率先揭发同行的离谱营销手法，呼吁大家要靓得精明，「警世」影片近日又疯传，不少网民指她「沙胆唔怕死」，够勇冒人身安全之险发声。

唐安麒表示早有听闻本港美容业有害群之马，被称为「劈场」的美容院，以各种高压「Hard sell」推销手法，疲劳轰炸顾客购买疗程，甚至即场游说顾客申请财务贷款来分期支付。
唐安麒说：「呢啲劈场嘅老板，直程喺隔离开埋财务公司！爱靓无罪，贪靓无病，有啲客人就系误信劈场声称『无效会退钱』嘅广告，一上去就被人『劈』，初时话个疗程只系几百蚊，但当你除晒衫做疗程时，几个美容师围住你，话你呢度肉酸𠮶度肥，令你一时冲动碌爆你张卡。呢啲美容集团，我开名都费事，根本冇用，因为今日开完，听日佢哋又会改名！」
盼大众靓得有智慧
对于被网民指「沙胆唔怕死」勇敢发声，唐安麒说：「美容界存在好多黑幕，几十年嚟有增无减，几离谱都有！的确好多年前开始，已经有粉丝劝我『禁声』，免招惹敌人，但系我唔惊，点解我要惊呢？我出声，揭发不良手法，目的系提醒大家，要保持清醒，要精明消费，靓得有智慧，而唔系叫大家嚟帮衬我！真正专业同可靠嘅美容中心，系在乎顾客嘅需要，只会建议边啲疗程适合你，唔会hardsell，美容顾问系帮助你解决问题，令你更靓更自信，带住愉快嘅心情返屋企。」

↓追踪《星岛头条》WhatsApp频道↓