苏施黄首开腔还击泰山坚拒道歉
发布时间：03:00 2025-10-02 HKT
商台DJ泰山控诉遭苏施黄（阿苏，原名刘高琮)）职场欺凌8年，成为城中热话，连带当年阿苏用雪糕掟小贩等旧片也翻热，掀起全城声讨。面对海量负评，激罕受访的「大魔头」阿苏，接受本报独家访问首度开腔回应，坚持不会道歉，更反指是泰山做得不好！她自认恶爆兼乞人憎但百毒不侵，更以娱乐圈生存法则捍卫强硬作风。
50岁的商台DJ泰山（曾匡民）早前自爆患前列腺癌第四期，近日在网台节目再讲当年跟苏施黄入行经历，披露惨遭对方职场欺凌8年，试过被兜口兜面掟笔弹稿，直指被闹到「无自尊，冇咗自己，丧尸咁样去做」。虽然承认受极端训练而锻炼出耐性及高EQ，但坦言：「唔开心多过开心」。
昔日手足爆「恶行」
除了泰山事件外，网民亦疯狂重温阿苏昔日的争议片段，包括她在节目《苏GOOD》中嫌雪糕贵而怒掟小贩、到烧味档逐样弹等；另有前商台DJ Tristan（黎荣业）在网台节目《娱乐好好玩》中爆料，指「太后」曾失控扔铰剪兼强制熄咪去打压反对意见，引来网民狂轰阿苏「冇礼貌」、「乞人憎」、「极不尊重」。
「闹8年唔走系傻」
面对海量负评，70岁的阿苏接受本报独家访问时讲笑自嘲：「我根本系咁恶吖嘛！」对于被指唔止「恶」，兼非常「乞人憎」，阿苏却豁出去笑说：「『恶』同『乞人憎』两句说话都系差唔多啫，冇乜分别呀？」讲到泰山对她仍耿耿于怀，阿苏反击：「如果俾人闹咗8年都唔走，PA人工又唔高，咁佢都傻到不得了啦！不过，我哋依家有倾有讲嘅。佢都有同我讲话做咗访问，有多谢及称赞我畀机会佢，都OK呀，有乜所谓呀？大家都几十岁。（但佢弹多过赞㖞）哗！我入行近半个世纪，已练到百毒不侵，如果我睇到负评仲会唔开心，都唔好捞呢行啦！」她更带笑强调：「总之系其他人嘅interpretation（解释），唔系我见解，我一啲都唔介怀。」
强调娱圈唔系人人做得
此外，阿苏还讲解职场常态：「上下级关系，少之又少系啱，若果对方几十年都消化唔到，我都帮佢唔到㖞。」被问到是否欠泰山一个道歉？阿苏即惊讶笑住反击：「道歉？唔系嘛！当日系佢做得唔好我先窒佢，点解要我道歉？大家有冇搞错嘢？个世界系咪神经㗎？」她又以娱乐圈哲学解释来捍卫强硬作风：「呢个圈要快、要醒、有性格，唔系人人做得嚟，所以想入娱乐圈唔系人咁品，唔好用打工仔心态去睇娱乐圈。所以出面打工仔嘅Comment对我一啲影响都冇，佢都唔知娱乐圈嘅世界系几难去生存！」至于泰山在娱乐圈是否合格？阿苏懒理冇评论，淡然话：「成绩表应该系大家畀佢的。」
