张致恒首谈Boy'z合体：愿全面配合Kenny
发布时间：03:00 2025-09-26 HKT
张致恒（Steven）与太太雯雯结婚6年育有4子，长期财困要賖借度日，直至近3个月转行做电器搬运工，为养家挨到五劳七伤，不过决心「洗心革面」的他积极面对人生，日前更随七师傅（七仙羽）一齐探访老人院。对于昔日Boy'z队友关智斌（Kenny）今晚及明晚个唱，并召唤他合体，Steven首开腔回应，坦言未准备好，但「欠Kenny太多」，愿意全面配合，同时感激七师傅在低谷时的无私支援。
经常投身慈善活动的七师傅，今次拉埋Steven到葵芳一间老人院做中秋探访，准备大量礼物并和公公婆婆玩游戏，场面温馨。穿着残旧衫及烂波鞋的Steven全程投入，七师傅希望他多参与公益活动，踢走烦恼增添正能量，更力撑：「圣人都有错啦！」又特别关心Steven 4名子女：「Steven唔系游手好闲，佢人工唔多却要照顾4个小朋友，真系有需要我帮忙。」
被认定懒虫 死性不改
对于《东周刊》早前独家直击Steven在黑色暴雨警告下仍冒雨开工送电器，Steven展示手脚伤痕，坦言3个月搬运工作挨到病，但总算练到一身肌肉。对于被网民封为「励志人物」，他笑言：「这是我给自己的希望，但冇人知下一步会怎样，只能做好自己，希望自己唔好咁早死，留返条命嚟照顾小朋友！」不过Steven相信好多人眼中的他仍然是死性不改「大懒虫」：「佢哋对我有苛求，觉得我工作唔够24小时就系懒惰。」七师傅就表示体力劳动可以帮他修心养性。问到是否修心养性变乖？Steven笑着强调：「我一直都好乖㗎！依家我除咗开工、就系返屋企帮手凑仔！」并直认已过年少轻狂阶段：「我都41岁啦，人生有多啲经历，前路就算崎岖少少，至少都冇咁闷，好似打机咁，有攻略又有乜好玩？」
兄弟情在心 互不打扰
至于Kenny即将开个唱，并提到Boy'z合体可能性，Steven首次回应：「我都一直等紧希望有机会再合体㗎！只差一个缘份，希望有机会时大家唔好嫌弃我唱歌走音！不过，我觉得有啲嘢过去咗就过去咗，大家要揾返当年𠮶个状态系冇可能嘅，睇下大家能唔能接受新状态啦。」Steven又强调两兄弟冇芥蒂，兄弟情在心中，自爆：「6年前出事后，佢单飞开骚时有邀请我留喺后台免被嘘！」
感谢七师傅 用爱包容
Steven坚称Boy'z系集体回忆，永不磨灭，更保证：「只要想就会出现，在乎大家想唔想佢出现。」若能合体，佢坦言第一时间要多谢七师傅：「喺我人生低谷时，佢好似家姐咁支持我，用爱包容我。如果冇佢，条路更加难行，佢直情系我心灵氧气不停畀我吸呀！」七师傅则叫Steven不要客气，除和她夫婿同是「荷兰人」外（混血），两人同病相怜被攻击：「其实每个人都有缺点，唔好将人置诸死地。讲真边个艺人冇媾过女呀？后生靓仔自然有飞来蜢。」
