Jer罕有嬲爆 轰网民﹕全民designer?
发布时间：03:00 2025-09-12 HKT
MIRROR唱功担当柳应廷（Jer）在社交网宣布将于11月30日及12月1日登亚博，举行两场个唱《Jer Lau“The Shape of Breathing”Live 2025》，演唱会海报一曝光，却有网民表示被海报设计「吓一吓」，纷纷批评设计团队水准大倒退，狂收劣评令Jer嬲得发文反击，问是否「全民designer」，网民则一夜开Talk炒热话题「全民designer」继续寸Jer。
事缘Jer公开亚博演唱会海报，遭网民批评海报「退地」粗劣似小学生质素，亦怀疑是P图甚至是靠AI，有网民更寸爆Jer的公司MakerVille转用初中生做设计。Jer却「唔Buy」网民一套，即在限时动态火滚发文：「真心嬲左（咗），呢个世代真系全民designer？em…想讲张相净系较左（咗）颜色，用左（咗）Filter，同较唔同地方既（嘅）阴影位。冇大家所指既（嘅）小学生退地，p图同ai。」
他更叫网民想一想作品背后有很多人的心血：「讲野（嘢）前可以谂下（吓）背后concept，整piece/背后嘅人，付出既左（咗）几多时间同心机 btw你地（哋）所见呢一张出街嘅相，净系调整都整左（咗）30几个version」。
粉丝留言打气力撑
虽然Jer开腔力撑团队，但网民就针对Jer一句「全民designer」展开话题热议，有网民反问「成日都话用好多心机，用得心机多就一定唔可以批评，咩道理？」亦有做设计的网民寸Jer所讲「30几个version」即是做得差，「明白点解要改3x次，咪就系因为做得唔好先需要改咁多次啰。」虽然大批网民加把口寸爆Jer的嬲爆反击发文，但亦有不少粉丝留言撑Jer，为他打气。
此外，MIRROR「FING小组」成员Alton、AK、Frankie、Lokman也宣布将于11月5日假亚博10号展馆举行《Manifest | W.T.F.2 Live 2025》，是四子继6月举行《Manifest | W.T.F. Live》后，相隔数月即举行Part 2。
