梁敏巧获暖男律师力追 直言「认真了解中」
发布时间：03:00 2025-08-27 HKT
「东张女神」梁敏巧被今期《东周刊》独家爆约会《女神配对计划》节目中的求爱勇者「暖男律师」Matt（刘启进），直击到二人情侣装甜蜜撑枱脚又睇演唱会，期间男方更情不自禁搭女神肩膊，被指配对成功。昨日梁敏巧以短讯回复《星岛头条》，表示对方主动出击约会，二人认真了解中，也直言有其他男士向她展开追求，她坚信自己值得被爱，亦鼓励女孩子们要爱自己。
梁敏巧对于被《东周刊》直击到甜蜜约会，问是否已开始拍拖？她表示：「我们未拍拖呀，了解中。」并指约会是Matt主动出击，直指他比节目主动很多，又指私下相处感觉没太大不同，「他主动约我睇演唱会同食饭，同我节目认识嘅佢差唔多，但再放松、大胆同主动啲。」至于和Matt有否机会再进一步？梁敏巧坦言：「佢系几好嘅，但我拣人时，人都系拣紧我㗎嘛，我哋讲到明都唔会急，认真了解双方，慢慢嚟啦。」
仍有其他男士追求
谈到拍到Matt表现亲暱搭膊头，是否不介意与追求者有身体接触？梁敏巧笑说不是搭膊头，「佢见到我件恤衫跌膊，佢帮我整好咋，我自己都系帮自己整番好件衫咋，之后无身体接触啦，佢纯粹出于风度同细心。」
此外，梁敏巧透露节目主持林盛斌（Bob）和其他「女神」都知Matt对她展开追求，「Bob爸爸同姊妹们私底下都有同我讲，隔离睇到我哋相处系几舒服同自然，苦口婆心咁叫我认真考虑，尤其Bob爸爸，佢真系无得顶，佢无得益㗎！但佢真系好认真咁同我分析，金牌媒人同爸爸呢个名佢绝对孭得起有余！」但她直言除了Matt之外，也有其他男士展开追求，亦开心有很多人关心她的感情事，「到依家仍然有网民会攻击我外表同内在，呢啲亦系好多女孩子会面对嘅问题，但女仔们要相信自己嘅价值啊！开头好多网民都唔睇好我，但我坚信自己值得被人爱护，我亦好幸运有人真诚地对待我。所以，女孩子们，要爱自己！每个人都有自己市场。」
