娱乐｜男人的浪漫黄秋生张铭耀朱栢康

东周刊

掌握时事脉搏　带领生活潮流

2022-09-13 11:00 HKT

阅讀更多

ST+ 专栏

內容

今时今日，疫情再升温，但有些热情，不会因此被磨灭。黄秋生、张铭耀与朱栢康，都是演艺学院出身，对表演艺术的热情，毋庸置疑。去年的舞台剧《ART呃》，公演十五场，叫好叫座。当时黄秋生更坦言，作品为其告别舞台之作，一年过后，他再踏上舞台，于十月重演易名《2022ART》的旧作，除了热情，还有：「今次复出，代表我唔使履行我讲过嘅嘢，我又冇发誓。上次（说告别）系Feel嚟㗎啫，上次我真系唔知会点样嘅，到过咗一段时间，Joyce（舞台剧监制）好鼓励我，我就谂，咦，系咪可以博多铺呢？

「呢家好似都几乐观，见到人哋隔篱卖咗五十场（黄子华舞台剧），咁我咪开心啰！隔篱排晒队，点都漏到几个过嚟啩？」跟「大师兄」同台，不论导演张铭耀还是朱栢康，心态跟去年初遇时类同，前者笑言：「所谓嘅重演，唔一定系好多新嘢，我等待紧，睇吓经历咗一年之后，佢哋会有咩唔同。」

后者则称：「今日唔知听日事，但我好珍惜有得聚埋一齐嘅时间。照大师兄所讲，我上次嘅演绎有一百分㗎，今次我照Dub上次嘅做法，再调整吓。」一旁的大师兄，淡然表示对两名师弟的满意程度：「好好！人就系咁㗎嘞，有冇投诉呀？冇？即系满意啦！」换来师弟们的掌声跟笑声。这三位男人的浪漫，不是豆腐火腩饭，仅聚一聚吹吹水便是Bromance。雄不雄武？从来不适用。