【西贡西湾路至北潭凹行山篇 】田尾山、大枕盖、牛湖墩
4月1日 (星期五) 16~22度 有雨/大雾/清凉🌧🌫🌬💦
连续三次行山都大雾，唔通连个天都唔钟意我...哋🤦♀️今次仲落埋雨添，雨唔算太大但有点密，而路径两旁杂草树枝上的雨水将我哋变成湿水🐔，几乎5个钟都系湿住身行，所以有点狼狈难受🤦♀️🙄😓
每年2~3月吊钟花花期大枕盖最热闹，好多地方都有吊钟花出没，但听说大枕盖是最多最大片的，除了吊钟花，景观也是无敌的，有山有海😅由鹿湖郊游径上山会比由万宜坳上路程长1公里，但会走得轻松点1️⃣起点至大枕盖约2.6公里2️⃣大枕盖至牛湖墩约2.8公里3️⃣牛湖墩至北潭凹约1.1公里。
路线：西贡西湾路 (鹿湖郊游径出入口)➡️ 田尾山 (海拔366米) ➡️ 大枕盖 (海拔408米) ➡️ 牛湖墩 (海拔263米) ➡️ 北潭凹 完 (约6.5公里/慢行5小时连影相小休)
🚘西贡的士站乘的士 ➡️ 鹿湖郊游径路口落车(约25分钟车程/$101车费) 或 乘29R定时村巴前往，总站为西湾亭
👇10：00起步🚶♀️🚶♀️落车就是起步点(亦是鹿湖郊游径出入口)，而家位置约海拔150米
👇入到嚟，雨反而比市区更大更密😓
👇起步就系梯级，不过唔驶惊，好短的😅
👇上完梯级随即左边走入山径(直去是鹿湖郊游径)，之后全部都系山径
👇心谂场雨好快会停嘅，不过今次落足两个钟，时大时细，最狼狈系走过狭窄路径时，草丛上的雨水落到身上，所以系由头湿到落脚😭
👇行咗半个钟已经变湿水🐔🤦♀️🙄
👇条路唔难行，但天雨路滑，必须小心慢行，沿路有丝带，路径亦算清晰易见
👇湿到滴水🙄🤦♀️
👇拧得出水，不过拧完都无用，一阵行又会湿哂.....
👇行咗1小时30分到田尾山(海拔366米)，田尾山无标柱，所以无影相纪录。由田尾山行450米会有个十字分岔口，直上就可以了
👇10分钟后分岔口左边走
👇100米后分岔口，右边走，隐约见到大枕盖标高柱😅
👇12：17到大枕盖(海拔408米)360度景观，当然今日乜都睇唔到啦，呢个时候雨也停了👏
👇衬雾散咗啲，赶快影张"海景"相先🥰呢边落去是万宜坳，行咗2个几钟喺大枕盖先遇到位后生仔😅佢一个人行，由万宜坳上嚟。
👇由刚才上大枕盖的路下走，约180米留意分岔口，走左边那条路往牛湖墩
👇刚才已经除哂衫裤拧干哂水了🙈呢段路咁宽阔，有时间俾啲衫裤干透啦😍
👇20分钟后接上鹿湖郊游径随即走到对面入山径
👇见到条路就知.....又要湿身了😴
👇2~3分钟后右边走
👇15分钟后到十字分岔口，直走
👇红圈位置是牛湖墩，仲有好远路程😅
👇又15分钟后😅见旧郊游径木牌左边走(右边远处是蚺蛇尖)
👇赤径海/码头
👇临尾总算有啲景观望下😅🥳
👇去牛湖墩仲有35分钟路程，要先跨过一座山
👇10分钟后到分岔口，右边走
👇跨过这座山
👇山顶是个平台，景观是另一角度的赤径海/码头/蚺蛇尖
👇继续往牛湖墩方向走(约15分钟路程)
👇14：20到牛湖墩(海拔263米)，又要拧干衫裤袜啲水，希望一阵条路唔驶再湿身啦，腌咗几个钟实在有点难受了，加上天气又凉凉地😔🙄
👇所有景点行完了，最后下走往北潭凹(北潭路)离开
👇呢段路终于唔驶湿身啦，到北潭凹约1.1公里
👇行行下有嚿大石，又影下先😅
👇穿出去就系北潭凹营地
👇右边落梯级
👇呢张相同今朝起步果张前后呼应😅🤣
👇接上麦理浩径2段左转往北潭凹离开
👇往巴士站乘车离开
