KellyChu - 江玉欢否认派「散水饼」 称下周向市民交代去向 | Executive日记

  近日多位立法会议员宣布唔竞逐连任,令传媒关注其他有机会弃选嘅议员去向。昨日唔少记者朋友都亲身去到立法会求证消息,选委界立法会议员江玉欢及经民联主席卢伟国都准备咗茶点畀大家享用,被问到系咪派「散水饼」,江玉欢话:「唔系派散水饼,大家唔好咁悲观」,至于会唔会连任,会喺下周最后一次大会上向市民诚恳交代。

  昨日立法会会议厅聚集不少记者,江玉欢准备咗蛋卷等西饼慰劳大家,日前已宣布弃选嘅卢伟国亦送上自家制杨枝甘露。江玉欢不时批评政策,被外界认为系较「敢言」嘅议员,对于系咪有意连任,佢未正式表态,只系同大家讲会留待下周三、四在立法会上透露,希望可以诚恳地向市民表达想法,「唔需要担心、会同市民交代」,又认为做任何事都要积极,人生有唔同岗位。

KellyChu

江玉欢指「唔系派散水饼」。
江玉欢指「唔系派散水饼」。
更多文章