KellyChu - 周大福特别赞助剑击表演赛 赠足金剑手冀迎战未来 | Executive日记
KellyChu
2025-08-28 02:00 HKT
字體大小
全运会喺11月盛大举行，各界支持，提前营造气氛。周大福珠宝为咗配合全运会嘅推广，特别赞助于8月26日假西九香港故宫文化博物馆举行嘅「剑萃古今．跃动全运」活动，提供剑击表演赛嘅纪念品。
Kelly见到件纪念品（见图），闪闪生辉，真系好靓，由周大福珠宝工匠精心打造，系一个剑手造型嘅足金雕刻摆件，捕捉咗剑手决断进攻嘅姿势，特别系剑手持剑指向前方，寓意运动员越战越勇。而雕刻以极其细腻嘅技术打造，展现出优秀嘅工艺与结构稳定性，令作品栩栩如生且富有动感，不仅展现力量与优雅嘅融合，更体现设计嘅纯粹与创新。
呢次表演赛，云集内地、香港及海外顶尖剑手，涵盖花剑、重剑及佩剑项目。周大福珠宝集团董事总经理黄绍基到活动现场，向参赛剑手致送纪念品，表达对佢哋奋力投入比赛嘅敬意。佢话，为剑手呈献一份饶富意义且值得珍藏嘅足金雕刻纪念品，期望呢份来自周大福珠宝嘅祝福，能激励剑击运动员无论在剑道或人生路上，都勇敢迎战、剑指未来。而呢份纪念品不止系对剑击运动员嘅致敬，亦系对拼搏精神嘅赞颂。
KellyChu
更多文章
