KellyChu - 大家乐「和风の锅」迎秋日 限时试食价58蚊 | Executive日记
KellyChu
2025-08-27 02:00 HKT
字體大小
入秋，即使日间气温仍高，但入夜稍凉，正好打边炉。其实Kelly四季都钟意打边炉，大家乐嘅出品，一向系我最爱，近日佢哋推出新登场嘅「和风の锅」，主打好适合港人口味嘅汤底同配料，在推广期内仲可以用限时试食价58元就食到，唔使飞去日本就可以享受日本风嘅火锅！
大家乐两款新火锅，完美配合呢个秋日，第一款系大家乐首度联乘日本知名食品商KAGOME推出嘅野菜有营锅，汤底系「野菜一日营」蔬菜汁制成，微酸清甜，滋味有营，配上美国谷饲牛同白饭，享受到滋味无比嘅牛味。
第二款系日式寿喜烧锅，用甘甜嘅寿喜烧汁做汤底，浓味满满，再加埋多款寿喜烧经典食材：蔬菜、鱼蓉腐皮、鱼片头、白萝卜等，同样配埋美国谷饲牛同白饭，仲有鸡蛋，Kelly好欣赏，好满足。
两款新火锅在指定分店有售，只限晚市供应，原价70元，不过，由现在至9月8日推广期内，用试食价58元就食到。另外，试食价期间，餐厅仲送顾客优惠券，午市或晚市时段惠顾「最营之选」一客，即送「和风の锅」减4元优惠券一张；晚市时段惠顾「和风の锅」一客，就送「最营之选」减4元优惠券一张，多食多送，送完即止！
KellyChu
最Hit
更多文章
