KellyChu - 逾百件首饰闪亮香港故宫博物馆 莫卧儿王朝瑰宝与港人见面 | Executive日记
KellyChu
2025-08-07 02:00 HKT
字體大小
香港故宫文化博物馆举办嘅特别展览「莫卧儿王朝瑰宝」，昨日正式开放。是次展览系故宫馆同英国维多利亚与艾尔伯特博物馆嘅首次合作，香港更加系全亚洲唯一一站，展期去到下年2月23日。展览首次展示超过100件未曾于海外公开嘅珍稀瑰宝，包括各式各样王室珍藏，机会千载难逢。
莫卧儿王朝听落陌生，但你一定听过被列入世界新七大奇迹嘅泰姬陵，泰姬陵就系由莫卧儿王朝嘅沙贾汗皇帝下令修建，以纪念佢嘅挚爱—阿姬曼．芭奴皇后。Kelly一直想亲访泰姬陵，奈何未有机会，但总算可以到故宫馆一探究竟，皆因一踏入展厅就可看见以泰姬陵为主题嘅数码艺术装置，当中亦穿插了沙贾汗和妻子嘅爱情故事。
莫卧儿王朝系16至17世纪最具影响力嘅王朝之一，由穆斯林统治并以波斯语为官方语言，全盛时期版图覆盖南亚大陆及阿富汗等地。是次过百件展品中，不乏巧夺天工嘅瑰宝，令人叹为观止。当中红宝石白玉吊坠同指环，采用南亚地区特有嘅昆丹镶嵌工艺，即系以纯金金箔镶嵌表面同固定珠宝嘅制作手法，体现当时对宝石切割、宝石镶嵌、金属工艺等嘅高超技术。
仔细睇嘅话，你会发现展览仲展出少部分中国珍品。故宫馆聚焦莫卧儿宫廷同中国明清宫廷以及印度、欧洲等地嘅文化艺术交流。譬如中国嘅螺钿平头案同莫卧儿嘅螺钿储物箱虽然都属于螺钿工艺品，但手法大大不同。此外，乾隆帝都好钟意莫卧儿嘅玉器，莫卧儿王朝用光滑软润嘅和田玉，雕工精细到连乾隆都要中国工匠仿制呢类玉器！
走之前记得透过互动装置完成性格测验，答5条问题就可以得到属于你风格嘅莫卧儿精品卡片！估唔到西九策展力咁强，互动学习真系有惊喜。
KellyChu
戴胜鸟红宝石白玉吊坠
最Hit
35岁「多仔婆」女星罕谈性生活尺度惊人 大爆富商男友床上尴尬表现 自揭床事频繁非自愿
2025-11-15 10:00 HKT
TVB「未来视后」惊爆患病需中西合璧治疗 穿酒店拖鞋游街面壁行为怪异 曾自揭患惊恐症
2025-11-15 09:00 HKT
连锁酒家突发晚市优惠！$198/只起叹全只脆皮皇子猪 指定分店供应！附2大酒楼优惠
2025-11-15 18:10 HKT
更多文章
