KellyChu - 去年试镜未能入围 混血美少女广告接不停 Aisha失落港姐选美 变身模特儿窜红 | Executive日记

民建联区议员庄雅婷现身TVB港姐选举面试,不足24小时就宣布退出,令Kelly想起去年也参选港姐嘅倪舒雅(Aisha),虽然佢最终未成功入围,但凭着混血儿美貌及青春甜美形象,吸引不少广告商青睐,一年便接下十几个广告,好犀利。所以参选港姐不成功,「塞翁失马,焉知非福」。

  Aisha上年参加港姐面试以17岁之龄登场,而作为中美混血儿,更被传媒称为「翻版乐基儿」。Aisha活泼可爱又甜美嘅外表,大家都不禁评论一句:青春无敌!问及Aisha当时点解会参选,佢话𠮶阵啱啱返嚟香港发展,妈妈想佢识多啲朋友,学习仪态同待人接物,最重要系快啲适应香港嘅生活节奏及环境。

  Aisha坦言,经过呢一年,已经找到适合自己嘅生活环境及工作模式,上年参加完港姐面试,虽然未能入围,但多咗人认识自己,多咗机会接触到不同品牌及拍摄工作。佢喺过去一年,为旅发局、迪士尼Halloween、Uber Taxi、Starbucks等不同品牌拍摄广告,亦参加咗多个商场活动及拍摄,广东话都进步咗好多,Aisha表示:「日常生活的用语听同讲都好咗好多,但如果要记台词我就需要啲时间练习,会继续努力。」虚心学习,又认真工作,果然系美貌与智慧并重。

KellyChu
 

Aisha虽未入围港姐,但凭混血儿美貌及甜美形象,吸引不少广告商青睐。
Aisha虽未入围港姐,但凭混血儿美貌及甜美形象,吸引不少广告商青睐。
更多文章