KellyChu - 增80参展商 50珍罕螳螂首亮相主题馆 宠物用品展汇400多摊位 「主子」「奴才」齐扫货 | Executive日记
KellyChu
2025-06-07 02:00 HKT
字體大小
Kelly㖊日喺会展见到好多主子同牠们嘅奴才呀！事关第12届优质宠物用品展今个礼拜举行，听讲今年摊位数目突破400个，参展商比去年增加80间，涵盖宠物食品、饮料、服饰、玩具、护理清洁等。展览期间，不少宠物用品低至一折，大家不妨带埋毛孩，一齐去逛逛。
唔好以为得猫猫狗狗，大会今年首办螳螂活体主题展览馆「螳潮汇展」，展出世界各地近50种珍罕螳螂品种、明星级螳螂，包括来自非洲坦桑尼亚嘅魔花螳螂、亚热带嘅兰花螳螂、东南非嘅刺花螳螂、印度嘅小提琴螳螂，仲有现时世界上体形最大嘅东非瘤刺螳螂，同埋多种来自亚热带嘅模仿大师枯叶螳螂。
「甲虫の森」展珍稀甲虫
一次性搜罗咁多品质嘅螳螂不容易，不单止涉及地理环境因素，还需耗费很大的人力物力，今次螳螂展可以话极具观赏及科普价值。而沉浸式「甲虫の森」展馆就有多款珍稀甲虫，包括甲虫王者独角仙、世界最大甲虫海克力斯长戟大兜虫，同埋色彩斑斓嘅彩虹锹等。
Kelly仲喺现场睇到许多有趣又实用嘅宠物用品，有参展商推出好有香港特色嘅宠物玩具，例如「香港茶楼点心宠物玩具盲盒」，当中有虾饺、杞子烧卖、流沙奶黄包、糯米卷，同埋隐藏款豆腐花造形嘅玩具，增加可以隐藏零食嘅口袋，而且会发出「吱吱」声同搓揉纸张声音，吸引狗主子嘅兴趣。除咗「茶楼点心」，仲有港式奶茶同菠萝油、鸡蛋仔同格仔饼。
当然唔少得请来猫主子当生招牌嘅参展商，宣传夏日感应式凉风垫，介绍说这款产品系香港首创，结合静音风扇与凉感外套，令宠物享受清凉同时，亦不会受到噪音干扰。
KellyChu
港式奶茶造形的宠物玩具。
猫主子体验全港首创夏日感应式凉风垫。
最Hit
更多文章
