郭志仁 - 君悦海南鸡饭 | 九宫格
郭志仁
2025-06-04 02:00 HKT
字體大小
公务员P先生日前邀请新相识的女生，前往君悦酒店Grand Café品尝驰名海南鸡饭。为了尽显自己细心，P特意要了一客鸡脾和一客鸡胸，让女生选择。本以为赢得女生赞赏，却未料埋单时，女生表示：「系几好食，但一个set要$350，两个加埋$700，加埋一，买到两三只新鲜鸡啦。」一盆冷水浇在P先生身上。
坏男群组成员安慰P先生，同时也指出他的错误。
「个女仔几好呀，悭家，追得过呀！」
「咪好啰，如果佢唔去茶餐厅，次次都要去酒店café，你仲唔开心呀！」
「你行错咗第一步，Grand Café海南鸡饭，千祈唔好专登去食。」
P先生：「即系咩意思？」商界成员解释：「你平时食海南鸡饭，$80到$100，当你慕名而去，专登俾$350食，自然觉得要4倍咁好食先抵，好易会落空。所以我成日叫朋友，唔好专登要试吓个海南鸡饭有几好食而去。相反，如果系商务午宴，或者约咗人，想要环境优雅舒适，你先会明白酒店餐厅嘅价值。」
「而如果你决定要去酒店Café，一个lunch预咗要几百蚊，咁君悦嘅食物质素系有保证，同埋唔一定要食海南鸡饭，我哋通常叫焗猪扒饭、鲍鱼福建炒饭、或者花胶云吞乌冬。」
时装界成员：「我几欣赏个女仔悭家，但小心过犹不及，如果次次另一半话想食好啲，佢都话贵不如自己煮，就会变咗《家有囍事》程大嫂！」
「如没有人跟我讲，宝贝好吃吗？一桌好菜倒进胃里如火化」魏浚笙—孤独美食家
郭志仁
更多文章
