KellyChu - 体验港味潮流 看港产世界冠军表演 「香港原来咁有型」深圳文博会揭幕 | Executive日记
KellyChu
2025-05-22 02:00 HKT
字体大小
时髦有型嘅朋友，千祈唔好错过由今日起揭幕嘅深圳文博会「香港馆」，一次过展示香港电影、时装、漫画、Art Toy、珠宝等潮流产品，现场仲有精彩表演，充分体验「香港馆」嘅主题︰「香港原来咁有型」。
一连5日嘅深圳国际文化产业博览，今天喺深圳宝安区福海街道展城路1号揭幕，「香港馆」（13号馆13A03）以「香港原来咁有型」为主题，分4大展区，展示14个香港潮流名片，包括杨凡（电影）、王泽（漫画/艺术家）、曹志豪（漫画/插画）、苏颂文（漫画/插画）、王信明（Art Toy/艺术家）、龙家升（Art Toy/艺术家）、毕奇（Art Toy/艺术家）、Tess（牛仔品牌）、GOC Studio（时装品牌）、Celine Kwan（时装品牌）、周大福（珠宝品牌）、Devil Claw Jewellery（珠宝品牌）、骆驼牌（生活类品牌）以及红A（生活类品牌）。
Kelly自认系潮人，一定北上捧场，特别要追Molly、Labubu、Pucky嘅艺术玩具。策展人仲俾小贴士，话5月24日有3场世界冠军级人物嘅「一人一舞台」演出，包括霹雳舞（香港区冠军B-Boy Think）、口琴（世界冠军何卓彦）同摇摇（世界冠军陈俊轩）。当日仲有时装表演，香港牛仔品牌TESS、GOC Studio同关渝熹Celine Kwan嘅最新作品会登场。
到5月25日，「香港馆」举行3场签名会，分别系漫画家曹志豪、苏颂文分享及签名会；导演杨凡签名会；MOLLY之父王信明及PUCKY精灵创造者毕奇嘅签名会，全部系香港文创嘅优秀人物，十分之吸引。
KellyChu
有时装表演供欣赏。
更多文章
