KellyChu - 「五月天」五月之约今开唱 首登启德园热血摇滚 | Executive日记
KellyChu
2025-05-09 02:00 HKT
字體大小
「突然好想你，你会在哪里，过得快乐或委屈。」一到5月，Kelly就会谂起台湾乐团「五月天」，佢哋每年呢个时间都会嚟香港开演唱会，而今日就系佢哋香港站嘅第一场演唱会，更首次登陆全新嘅启德体育园，将以华丽舞台于启德主场馆迎接一众「五迷」，齐齐热血摇滚！
「五月天」嘅《突然好想你》、《我不愿让你一个人》、《知足》等，首首歌都系90后耳熟能详嘅金曲，加上佢哋嘅演唱会一向舞台效果出色，气氛绝佳，每次来港都选址中环海滨空间举行露天演唱会。但5月成日落雨，入场前都要派定雨衣畀歌迷，今年就落雨都唔怕喇，因为启德主场馆嘅天幕系可开可闩嘅。
适逢「五月天」出道25周年，首次踏足「香港主场」亦将为天团同歌迷带嚟新惊喜，创造不一样回忆！4场演唱会将于本月9日至11日及13日上演，观众紧请提前规划行程，并预留足够时间验票及安检，另外长伞系唔带得入场㗎。
KellyChu
最Hit
更多文章
