KellyChu - 邓炳强亲自构思策划 《安仔与熊仔》漫画轻松学国安 | Executive日记
KellyChu
2025-04-16 02:00 HKT
字體大小
由保安局推出嘅国家安全漫画《安仔与熊仔》，正式出版喇！2位国安大使「安仔」同「保安熊」，昨日去到大角咀出席新书发布会，同市民见面，得到保安局局长邓炳强同教育局局长蔡若莲到场，鼎力支持。同时Kelly仲得知，原来整个漫画系列嘅主策划人，正系邓炳强！
邓炳强笑言，自己只负责监督同指导，最主要是其团队负责创作，而有呢个想法，系源于去年《基本法》23条立法后，做咗很多不同嘅解说会、研讨会等，思考要点样向幼稚园学生、小学生或者初中生做宣传推广，于是构思漫画。
佢介绍，故事主角安仔系一个天真无邪嘅小朋友，求知很强、经常撞板，当他「百厌」时，「保安熊」就会现身说法。佢认为，创作期间最大挑战，是点样从小孩子嘅角度睇得明故事，例如点解需要有国安法、点解唔可以侵害别人嘅自由等，都是用一啲很搞笑嘅形式将故事讲出来。
呢本书亦获得蔡若莲肯定，认为是一本好书，能深入浅出讲很重要嘅道理，差不多2页已系一个好完整概念嘅故事，且背景都发生喺家里、学校，系同学或小朋友日常会接触到嘅。她鼓励老师可以拿呢啲故事，作为引子去设计课堂活动，帮同学一齐分析情境。
KellyChu
蔡若莲认为此书能深入浅出讲很重要的道理。
更多文章
