KellyChu - 登台献唱炒热气氛 食槟榔辣条「中伏」甲亢哥访长沙试剪纸湘绣 | Executive日记
KellyChu
2025-04-08 02:00 HKT
字體大小
美国网红IShowspeed（内地称「甲亢哥」）近期展开中国之行，佢先后到访包括香港在内多个城市，旅程期间几乎全程直播，而所到之处亦引来大批粉丝「野生捕获」，场面哄动。Speed昨日到访湖南长沙，获当局安排体验中国传统文化例如剪纸及湘绣，行程丰富。但粉丝递上嘅槟榔同埋辣条就令佢「中伏」，食辣食到怕。
Speed昨日喺长沙体验多项中国传统文化活动，剪纸师傅即场为佢侧面剪出纸影，氹到Speed非常开心，大赞师傅好有才华。之后又试咗湘绣，认为好有难度，表示要完成一幅画起码要一个月。
佢登上接驳车时，有粉丝送上槟榔，Speed二话不说放落口，但后面显得相当难受，指个嘴好麻好辣，车上全程皱晒眉又不断摸心口。谁知去到下一站，有粉丝跳出嚟「挑机」，叫佢食咗包零食，Speed摆出亢奋形象接受挑战，点知原来系「辣条」，忍唔住问「点解咩都系辣㗎？」好在后面咁啱有安排佢试饮特色茶饮，成功解辣。
Speed又登台献唱炒热气氛，台下粉丝则趁机合唱《阳光彩虹小白马》，令佢激动跳落舞台。由于呢首歌嘅歌词反复出现「内个」，与歧视黑人嘅英文词语读音相似，Speed曾喺直播中听到呢首歌，露出搞笑反应，成为大家对佢嘅印象。随后Speed玩咗传统「投壶」游戏和魔术活动，仲试埋长沙臭豆腐！
佢嘅行程实在太丰富，仲chur过香港人去旅行，小妹就唔一一细数。但作为一个全球网红嚟讲，Speed今次中国行嘅讨论度相当高，令好多原本唔识佢嘅人都开始认识佢，亦引起各界对「网红经济」关注。
KellyChu
Speed食完槟榔，表示个嘴好麻。
最Hit
更多文章
