KellyChu - 彭耀佳卸任旅发局主席 克服挑战以旅游说好香港 | Executive日记
KellyChu
2025-03-28 02:00 HKT
字體大小
即将卸下旅发局主席一职嘅彭耀佳，昨天与一班传媒老友聚会，佢回顾6年任期内经历过旅游业低谷，到旅发局推出「海啸式」活动，吸引国际旅客回归，市面见番塞车，餐厅客多，可见旅游业不单止涉及数以十万计工作人口嘅生计，仲可以喺有国家唱衰香港嘅时候，透过旅客亲身体验，说好香港。
彭耀佳形容自己系旅发局「最具挑战」嘅一位主席，上任以来，经历过2019年社会事件，其后疫情来袭，这些年，旅游业界都「戙起床板」谂可以做啲乜。佢喺疫情期间去机场睇过，见到显示屏上全日得4班机，但佢同旅发局团队不放弃，为业界度桥，推出staycation、本地游等，鼓励市民发现本土美，亦令旅游业同相关界别有多啲工作。
佢好记得，疫后香港系全球最迟通关嘅地区，「（旅游）俾人饮咗头啖汤」，团队工作随即进入巅峰状态，努力推出浪接浪嘅活动同盛事，吸引旅客来港。现在3月盛事连连，国际旅客多咗，令佢感到，即使旅游业占经济收益一个小百分比，但当有国家唱衰香港，外国客人来见证香港情况，旅游业就可以发挥说好香港嘅作用。
身为全国政协嘅彭耀佳亦心系内地嘅旅业发展，话早前喺两会期间提出建议，内地WeChat同Alipay应做简化版，俾到外国游客简明易用，方便佢地喺内地活动同消费，真系有heart嘅建议。
KellyChu
更多文章
