KellyChu - 中环站猫店长摄影展 打卡温暖互动治愈人心 | Executive日记
KellyChu
2025-03-22 02:00 HKT
字體大小
港铁中环站J出口嘅「港铁．艺术」展廊，正展出《同萌社区 THE COMMEOWNITY》猫店长．窝心摄影展。呢个展览由「Street CATography猫．街摄」版主Jonas Chan策划，透过镜头捕捉全港小店「猫店长」嘅日常生活，展现人同猫之间嘅温暖互动，为乘客喺繁忙生活中带来疗愈一刻。
原本系审计师嘅Jonas就同Kelly讲，自己每日喺中环返工，工作沉闷，要喺办公室对住堆数字，而每日返工放工，都「行同一条街」。所以，多年前起，佢公余就特别想出外走走，加上钟意摄影，于是喺全港各屋邨、大街小巷走走拍拍，结果偶遇香港有好多可爱猫店长，多年下来，逐渐影落唔少猫咪照；佢2019年4月开始「猫．街摄」网上专页，同所有猫爱好者分享照片，之后更促成《同萌社区》猫店长．窝心摄影展。
值得一提系，展览以西营盘街坊小店元素为设计概念，充分展现传统社区特色。而猫店长嘅身影遍布整个摄影展4大主题萌区中，参观者喺展廊紧随猫店长足迹，可以细味旧社区老街坊嘅人猫情怀；更可以喺巨型猫咪壁画前，开心打卡留念。
KellyChu
最Hit
更多文章
