KellyChu - IBF世界残疾人保龄球锦标赛 见证香港残疾人运动发展新里程 | Executive日记
KellyChu
2025-01-23 02:00 HKT
字體大小
IBF世界残疾人保龄球锦标赛依家喺香港举办得如火如荼，今届世界锦标赛包括按视障、残障和智障不同程度分级一共7个组别，每个组别再设有个人、双人及团体赛，唔单止成为历年来残疾组别最齐全嘅国际赛事，仲系历年来首次有残疾人运动赛事取得「M」品牌𠻹。赛事见证住香港喺残疾人运动发展嘅新里程，亦有望进一步巩固香港作为亚洲体育盛事之都嘅地位。
喺开幕礼上，刘掌珠陪同世界保龄球协会会长Sheikh Talal Mohammed Al-Sabah及中国香港残疾人奥委会会长冯马洁娴等主礼嘉宾一齐为舞狮点睛，宣布世锦赛揭幕。刘掌珠致辞时指：「能够举办这项被认可为『M』品牌嘅国际性残疾人赛事，我哋感到无比自豪。今次获政府100万元拨款用作推广用途，另外我揾到多少赞助费，政府亦承诺提供同等嘅配对拨款资助。」
失明运动员透过扶住栏杆走上球道，由教练会告知运动员保龄球樽嘅位置，以及掷出保龄球嘅方向。其中属于完全失明TPB1级别嘅视障运动员刘晓真喺两年前接触保龄球，「啱啱学嘅时候教练会讲樽嘅排位，我哋要靠感觉去摸索。开始时好困难，打嚟打去都打唔中。」经过两年嘅练习，佢认为：「打保龄球令我很满足，因为可以出嚟做运动，亦唔使全日困喺屋企，身体都健康咗。」喺半年前佢已经开始备战今届世锦赛。
为咗推动公众嘅关注，保龄球总会早前举行「迷你保龄球体验活动」，俾参加者可戴上特制视障眼镜，体验失明人士打保龄球嘅困难。刘掌珠指社区推广活动好有成效，俾更多人知道视障保龄球呢项运动。冯马洁娴亦希望举办今次嘅赛事能够推动社会大众对残疾运动员嘅关注，期望日后保龄球有机会纳入残奥竞赛。
KellyChu
中国香港代表队成员合照。
最Hit
宣萱上载「拖手相」官宣古天乐恋情？无预警甜蜜发图惹网民疯狂 本尊上水10字亲回应
2025-11-13 22:00 HKT
香港老板大赞厨师见工有诚意！港男「盛装」应征中厨 即场抛镬炒小菜 网民恭喜：尊重自己同工作
2025-11-13 16:00 HKT
孝女为亡父取消电话合约 反被客服要求「机主亲身嚟办理」 网民：叫爸爸回魂揾佢整
2025-11-13 18:11 HKT
更多文章
