Cally - 上水广场˙PopWalk天晋汇 甜蜜呈献「Pixar Sweet Dreams甜梦派对」 彼思人气角色打造最温馨打卡点 欢度新春与情人节 | 商界讲呢啲
先前新鸿基旗下6大商场带嚟咗以彼思人物做主题嘅主题装置陪大家过圣诞，吸引咗好多大朋友小朋友去打卡，氹得佢哋好开心。嚟到农历新年及情人节档期，上水广场及PopWalk天晋汇决定延续开心气氛，加码带嚟「Pixar Sweet Dreams甜梦派对」新春主题装置，一众人气角色加入新场景，齐齐庆祝华人最大嘅节日之余，亦顺路同大家一齐过番个温馨嘅粉红情人节。
今次粉墨登场嘅迪士尼．彼思的人气动画角色，包括《怪兽公司》嘅毛毛及大眼仔；《反斗奇兵》嘅劳苏、Bunny、Ducky及独角兽Buttercup；《玩转脑朋友》嘅阿乐与阿愁，以及《熊抱青春记》嘅小熊猫。佢哋全部都化身成甜梦棉花糖，真系见到都甜入心！
「光影甜梦园」 唯美闪耀梦花园
上水广场5楼嘅晴空花园化身成「光影甜梦园」，空气中弥漫住浪漫嘅粉红泡泡，毛毛、大眼仔、小熊猫连同《反斗奇兵》嘅俏皮独角兽Buttercup一齐喺「甜蜜光影灯笼墙」迎接大家，仲有色彩斑斓嘅小灯笼够晒抢眼，绝对系靓绝全场！喺梦幻色彩嘅云朵及星空小灯牌下走过「彩光梦幻走廊」，感觉每步都充满甜蜜气息！小朋友仲可以走入3米高嘅「春日抱抱玩乐游」同巨型粉色汽球打卡。
上水广场「迪士尼．彼思期间限定店」，呢度有超过300款包括迪士尼．彼思限量精品，当中有毛公仔、生活用品、文具套装等应有尽有，Sweet Dreams系列精品更加系率先发售，过番个盆满钵满嘅新春啦。
日期：即日起至2025年2月23日
时间：上午10时至晚上10时
地点：上水广场2楼中庭及5楼晴空花园
PopWalk天晋汇 「劳苏」闪亮灯影派对
至于PopWalk天晋汇由劳苏负责担大旗，佢带住心爱嘅士多啤梨，齐齐化身做「粉红甜梦灯海长廊」上嘅霓虹灯牌将会高挂PopWalk天晋汇1期及2期嘅室外行人通道。10米长嘅浪漫灯海为情侣带嚟拍拖胜地，不妨去影辑甜蜜嘅合照晒吓！
嚟到将军澳海滨长廊附近嘅Ocean PopWalk入口处，近5米长嘅「梦幻星空琉璃隧道」由2个近3米高嘅巨型不规则星星组成，再加上色彩缤纷嘅彩虹及心心装置，喺傍晚喺柔柔射灯映照下更加浪漫。步行到商场入口仲可以揾埋劳苏及立体心心打卡𠻹！
日期：即日起至2025年2月23日
时间：上午10时至晚上10时
地点：PopWalk天晋汇1期及2期户外露天长廊及Ocean PopWalk地下中庭及户外长廊
购物消费礼遇 送你迪士尼．彼思的限量版精品
由即日起至2月23日期间，The Point会员喺2大商场以电子货币消费满指定金额，就可以换领多款迪士尼．彼思的限量版精品，包括《玩转脑朋友》阿愁万用包、《反斗奇兵》劳苏礼袋及曲奇礼盒套装，仲有三眼仔Aliens焗盘𠻹！数量有限，先到先得㗎！
*详情请留意各商场Facebook专页公布
