KellyChu - 「安安」「可可」提前叹圣诞大餐 | Executive日记
KellyChu
2024-12-24 02:00 HKT
字体大小
中央赠港两只大熊猫「安安」、「可可」，今年第一年喺香港过圣诞，海洋公园嘅动物护理团队昨日制作咗可食用圣诞卡、冰制雪人及圣诞树形状竹竿，畀佢哋做圣诞礼物，而两位主角亦非常享受。
护理员喺「安安」嘅场地放置圣诞礼物，包括由竹竿及窝窝头组成嘅圣诞树；用冰、紫薯、红萝卜、南瓜、黄饼制作而成嘅「Merry Christmas冰牌」。「安安」出场时先饮咗啖水，再到爬架及场地附近徘徊，发现圣诞礼物时，先系举起竹笋豪迈享用，又将自己嘅肚腩当成「小餐枱」，将食物吃清光。
护理员摆放咗两个大小不一嘅雪人、南瓜及红萝卜制成嘅熊猫、红色球丰容物等畀「可可」享用。「可可」首先选择咗最近佢嘅红萝卜，然后走向隧道，从红色球丰容物中取得竹笋，再躲入隧道中进食，吃完后又轻抚雪人，然后端坐「皇座」品尝美食。
照顾「安安」及「可可」嘅护理专员指，两只大熊猫喺香港适应得很好，对新环境充满好奇心，玩环境丰容物时亦很轻松自在。「安安」活泼好动，「可可」则喜欢me time时间，但佢哋都好喜欢同游客见面，「可可」亦会行近玻璃位置同人互动。
KellyChu
最Hit
新皇岗口岸拟设7条专营巴士线 来往葵芳、启德、屯门等地 「一地两检」安排下旧皇巴将停运
2026-04-10 12:58 HKT
只收现金=落后? 粥店事头婆「神回复」一句话竟获食客力撑：呢个回应有啲劲 网民引2点力陈现金优势
2026-04-09 15:32 HKT
更多文章
